Asia Cup 2022 IND vs PAK: આજે ભારત અને પાકિસ્તાન વચ્ચે જંગ, જાણો ટીમ ઇન્ડિયાની સંભવિત પ્લેઇંગ ઇલેવન?
2022 એશિયા કપ શરૂ થઇ ચૂક્યો છે ત્યારે આજે ભારત અને પાકિસ્તાન વચ્ચે હાઇવોલ્ટેજ મુકાબલો રમાશે
Asia Cup 2022, India Playing 11: 2022 એશિયા કપ શરૂ થઇ ચૂક્યો છે ત્યારે આજે ભારત અને પાકિસ્તાન વચ્ચે હાઇવોલ્ટેજ મુકાબલો રમાશે. આ મેચથી બંને ટીમ એશિયા કપમાં પોતાના અભિયાનની શરૂઆત કરશે. આ પહેલા જાણી લો કે પાકિસ્તાન સામેની મેચમાં ટીમ ઈન્ડિયાની પ્લેઈંગ ઈલેવન કેવી હોઈ શકે છે.
There's definitely been some memorable matches between India and Pakistan in recent times.https://t.co/ugTyKUsBwu
— ICC (@ICC) August 28, 2022
લક્ષ્મણ અને રોહિત માટે પ્લેઈંગ ઈલેવનની પસંદગી સરળ નહી હોય
જોકે, ભારતીય કેપ્ટન રોહિત શર્મા અને વચગાળાના મુખ્ય કોચ વીવીએસ લક્ષ્મણ માટે પ્લેઈંગ ઈલેવનની પસંદગી સરળ નથી. દિનેશ કાર્તિક અને દીપક હુડ્ડા વચ્ચે કોણ રમશે? કોણ બનશે ભુવનેશ્વર કુમારનો પાર્ટનર? એવા ઘણા પ્રશ્નો છે જેના જવાબ આપવા આસાન નથી.
One Sleep Away ⌛#TeamIndia all set for #AsiaCup2022 💪 #AsiaCup pic.twitter.com/zGz6NaKmk6
— BCCI (@BCCI) August 27, 2022
રોહિત અને રાહુલ ઓપનિંગ કરશે, કિંગ કોહલી ત્રીજા નંબર પર રમશે
એશિયા કપમાં ભારત માટે કેપ્ટન રોહિત શર્મા અને કેએલ રાહુલ ઇનિંગ્સની શરૂઆત કરશે. આ સાથે જ વિરાટ કોહલી ત્રીજા નંબર પર રમશે. કોહલી ભલે લયમાં નથી, પરંતુ તેમ છતાં તેનું ટીમમાં હોવું વિપક્ષી ટીમ માટે માથાનો દુખાવો બની રહ્યું છે. તે એકલો જ પોતાની ટીમને ગમે ત્યારે જીત તરફ દોરી શકે છે.
આ મિડલ ઓર્ડર હશે
પાકિસ્તાન સામેની મેચમાં સૂર્યકુમાર યાદવ ચોથા નંબરે, રિષભ પંત પાંચમા નંબરે, હાર્દિક પંડ્યા છઠ્ઠા નંબર પર અને દિનેશ કાર્તિક સાતમા નંબરે રમી શકે છે. સૂર્યકુમાર શાનદાર ફોર્મમાં છે. તે આ ફોર્મેટની રેન્કિંગમાં બીજા નંબરે છે. તે જ સમયે, હાર્દિકની સંપૂર્ણ ચાર ઓવરને કારણે, ટીમ એક વધારાના બેટ્સમેન સાથે જઈ શકે છે.
ટીમ ઈન્ડિયાના બોલિંગ વિભાગની વાત કરીએ તો ઓલરાઉન્ડર રવિન્દ્ર જાડેજા અને લેગ સ્પિનર યુઝવેન્દ્ર ચહલ સ્પિન વિભાગ સંભાળશે. ભુવનેશ્વર કુમાર અને અર્શદીપ સિંહના ખભા પર ફાસ્ટ બોલિંગ વિભાગની જવાબદારી રહેશે. બંનેને હાર્દિક સમર્થન આપશે.
ભારતની સંભવિત પ્લેઈંગ ઈલેવન
રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, ઋષભ પંત (વિકેટકીપર), હાર્દિક પંડ્યા, દિનેશ કાર્તિક, રવિન્દ્ર જાડેજા, ભુવનેશ્વર કુમાર, યુઝવેન્દ્ર ચહલ અને અર્શદીપ સિંહ.
ટોપ સ્ટોરી
ટ્રેન્ડિંગ સમાચાર
