Eng vs WI: ઇંગ્લેન્ડ સામે વેસ્ટઇન્ડિઝ માત્ર 45 રનમાં જ ઓલઆઉટ, આ બૉલરે રચ્યો ઇતિહાસ

સેન્ટ કિટ્સઃ ઇંગ્લેન્ડે બીજી ટી20માં વેસ્ટઇન્ડિઝને 137 રને હરાવીને 3 મેચોની સીરીઝમાં 2-0થી લીડ મેળવી લીધી છે. આ મેચમાં વેસ્ટઇન્ડિઝની ટીમ માત્ર 45 રન જ બનાવી શકી હતી. આ વેસ્ટઇન્ડિઝનો ટી20માં સૌથી ઓછો અને ઓવરઓલ ટી20નો બીજી ન્યૂનત્તમ સ્કૉર છે. આ પહેલા તેમનો ન્યૂનત્તમ સ્કૉર 60 રનનો હતો, જે ટીમે 2018માં પાકિસ્તાન સામે બનાવ્યો હતો. ટી20માં સૌથી ઓછો સ્કૉર બનાવવાનો રેકોર્ડ નેધરલેન્ડ (39)ના નામે છે.

YESSSSS @CJordan on ????????????!!!

Scorecard: https://t.co/g3kHcDEC87#WIvENG pic.twitter.com/LYQ4o9vorN — England Cricket (@englandcricket) March 8, 2019

પહેલી બેટિંગ કરતાં ઇંગ્લેન્ડની ટીમે 20 ઓવરમાં 5 વિકેટ ગુમાવીને 182 રન ફટકાર્યા હતા. જેના જવાબમાં બેટિંગ કરવા ઉતરેલી વેસ્ટઇન્ડિઝની ટીમ 11.5 ઓવરમાં માત્ર 45 રનમાં જ ઓલઆઉટ થઇ ગઇ હતી. ઇંગ્લેન્ડ તરફથી ફાસ્ટ બૉલર ક્રિસ જોર્ડને ચાર વિકેટ લીધી હતી. આ તેની કેરિયરનુ બેસ્ટ પર્ફોર્મન્સ હતું.