વર્લ્ડકપમાં ફિલ્ડિંગ કરતી વખતે સૌથી વધારે રન બચાવવામાં ટોચ પર છે આ ગુજરાતી ખેલાડી, જાણો વિગત

વર્લ્ડકપ દરમિયાન વિવિધ ટીમના ખેલાડીઓની શાનદાર ફિલ્ડિંગ પણ જોવા મળી છે. જાડેજાએ 2 મેચમાં કુલ 41 રન બચાવ્યા છે. જે વર્લ્ડકપમાં કોઈ પણ ફિલ્ડર દ્વારા બચાવવામાં આવેલા સૌથી વધુ રન છે.

માંચેસ્ટરઃ ન્યૂઝીલેન્ડે બુધવારે આઈસીસી વર્લ્ડકપ 2019ની પ્રથમ સેમિ ફાઇનલમાં ભારતને જીતવા 240 રનનો લક્ષ્યાંક આપ્યો છે. મેચ મંગળવારે રમાવાની હતી પરંતુ વરસાદના કારણે પૂરી ન થઈ શકી. બીજા દિવસે ન્યૂઝીલેન્ડે 46.1 ઓવરથી આગળ રમવાનું શરૂ કર્યું ત્યારે જાડેજાએ શાનદાર થ્રો દ્વારા રોસ ટેલરને આઉટ કર્યો હતો. જે બાદ તેણે બાઉન્ડ્રી પર એક શાનદાર કેચ પકડ્યો હતો. આ દરમિયાન મેદાનમાં પણ શાનદાર ફિલ્ડિંગ કરતાં રન બચાવ્યા હતા. જાડેજાએ 2 મેચમાં કુલ 41 રન બચાવ્યા છે. જે વર્લ્ડકપમાં કોઈ પણ ફિલ્ડર દ્વારા બચાવવામાં આવેલા સૌથી વધુ રન છે.  જાડેજાએ બોલિંગમાં 10 ઓવરમાં માત્ર 34 રન આપીને 1 વિકેટ જડપી હતી. બીજા નંબરે રહેલા ન્યૂઝીલેન્ડના માર્ટિન ગપ્ટિલે 9 મેચમાં 34 અને ત્રીજા નંબરે રહેલા ઓસ્ટ્રેલિયાના ગ્લેન મેક્સવેલ 9 મેચમાં 32 રન બચાવ્યા છે.