WWDC 2024: 10 જૂને યોજાશે Appleની સૌથી મોટી ઈવેન્ટ, જાણો કેવી રીતે જોઈ શકાશે લાઈવ?
WWDC Event 2024: એપ્પલની આ ઈવેન્ટ 10 જૂને આયોજિત થશે. આ ઈવેન્ટમાં iOs 18, iPadOS 18, WatchOS માટે લેટેસ્ટ અપડેટ અને વર્ઝન રજૂ કરાશે.
Apple WWDC Event 2024: Appleની WWDC ઇવેન્ટ 10 જૂને યોજાશે. કંપનીના જણાવ્યા અનુસાર WWDC ઈવેન્ટ 10 થી 14 જૂન વચ્ચે યોજાશે. આ ઈવેન્ટનું આયોજન છેલ્લા 3 વર્ષથી ઓનલાઈન કરવામાં આવતું હતું, ત્યાર બાદ આ વર્ષે તે મેદાન પર યોજાશે, જોકે તેનું પ્રસારણ માત્ર ઓનલાઈન કરવામાં આવશે. હવે કંપનીએ આ ઈવેન્ટના સમયને લઈને સત્તાવાર જાહેરાત કરી છે.
એપલની જાહેરાત મુજબ, WWDC 2024 10 જૂને ભારતીય સમય અનુસાર રાત્રે 10:30 વાગ્યે શરૂ થશે. એપલની ઓફિશિયલ વેબસાઈટ અને યુટ્યુબ ચેનલ દ્વારા દુનિયાભરના લોકો આ ઈવેન્ટમાં ઓનલાઈન જોડાઈ શકે છે. છેલ્લા કેટલાક વર્ષોની જેમ આ વર્ષે પણ Apple ઇવેન્ટમાં સોફ્ટવેર સંબંધિત કેટલીક મોટી જાહેરાતો થઈ શકે છે. આ સિવાય iOS 18 માટે ઘણા અપડેટ્સ જોઈ શકાય છે.
આ Apple ઇવેન્ટમાંથી શું અપેક્ષાઓ છે?
Apple WWDC 2024 ઇવેન્ટમાં ઘણા ખાસ અપડેટ્સ જાહેર થવાના છે. Apple લાંબા સમયથી જનરેટિવ AI પર કામ કરી રહ્યું છે. આ ઇવેન્ટમાં, કંપની iOS 18, iPadOS 18, watchOS માટે અપડેટ્સ અને નવીનતમ સંસ્કરણો રજૂ કરી શકે છે. આ સિવાય એપલ ડેવલપર્સ અને તેમની એપ્સ અને ગેમ્સને સુધારવા માટે નવા ટૂલ્સ, ફ્રેમવર્ક અને ફીચર્સ રજૂ કરશે. આ વખતે સૌથી મોટી વાત એ છે કે એપલ એઆઈને લઈને કઈ મોટી જાહેરાત કરશે.
આ દિવસોમાં, Apple કૃત્રિમ બુદ્ધિમત્તા (AI) ના ક્ષેત્રમાં કામ કરતી કંપની OpenAI સાથે નજીકથી કામ કરી રહી છે અને 10 જૂને યોજાનારી ઇવેન્ટમાં ઘણી AI સુવિધાઓની જાહેરાત કરી શકે છે. જાણકારી અનુસાર iOS 18માં સૌથી ખાસ AI ફીચર્સ જોઈ શકાય છે.
iOS 18 સાથે, AI-સંચાલિત ટ્રાંસ્ક્રિપ્શન વૉઇસ મેમોસ એપ્લિકેશનમાં મળી શકે છે, જે સામગ્રીને રેકોર્ડ કરવાનું સરળ બનાવશે. ઈમોજી માટે એક નવું AI ટૂલ પણ હશે, જેનો ઉપયોગ કરીને યુઝર્સ તેમની પસંદગી મુજબ iPhone પર કોઈપણ ઈમોજી જનરેટ કરી શકશે.
ટોપ સ્ટોરી
ટ્રેન્ડિંગ સમાચાર
