Mobile Charge Tips : ભૂલથી પણ મોબાઇલને 100 ટકા ચાર્જ ન કરો, કયારે ઓફ કરશો ચાર્જિગ, જાણો એક્સ્પર્ટની સલાહ

સ્માર્ટફોન આજકાલ જીવનનો એક મહત્વપૂર્ણ ભાગ બની ગયો છે. પછી તે ફોટો ક્લિક કરવાનો હોય કે ઓનલાઈન મીટિંગમાં હાજરી આપવાનો હોય કે પછી દૂર બેઠેલી વ્યક્તિને પૈસા મોકલવાનો હોય.

પ્રતીકાત્મક તસવીર

Mobile Charge Tips :સ્માર્ટફોન આજકાલ જીવનનો એક મહત્વપૂર્ણ ભાગ બની ગયો છે. પછી તે ફોટો ક્લિક કરવાનો હોય કે ઓનલાઈન મીટિંગમાં હાજરી આપવાનો હોય કે પછી દૂર બેઠેલી વ્યક્તિને પૈસા મોકલવાનો હોય. આવી સ્થિતિમાં મોબાઇલની ફિટનેસ જાળવવી પણ  ખૂબ જ જરૂરી છે. બેટરી પણ ફોનનો એક મહત્વપૂર્ણ ઘટક છે અને તેને ચાર્જ કરવાની સાચી રીત બહુ ઓછા લોકો જાણે છે. આવી સ્થિતિમાં, અમે તમને અહીં તેના વિશે માહિતી આપવા જઈ રહ્યા છીએ.

ફોન એક પોર્ટેબલ ઉપકરણ છે, જેમાં બેટરી હોય છે. ફોન શરૂ કરવા માટે સૌથી મહત્વપૂર્ણ ઘટક બેટરી પોતે છે. જો ફોનના બાકીના ઘટકો સારી સ્થિતિમાં છે. પરંતુ, જો બેટરી પોતે સપોર્ટ કરતી નથી, તો ફોન બંધ થઈ જશે.

જો ઈમરજન્સી દરમિયાન ફોનની બેટરી સપોર્ટ ન કરે તો દુર્ઘટના પણ થઈ શકે છે. આવી સ્થિતિમાં બેટરીના સ્વાસ્થ્યનું ધ્યાન રાખવું સૌથી જરૂરી છે. નોંધનીય બાબત એ છે કે, યોગ્ય રીતે ચાર્જ કરીને પણ ફોનની બેટરીને ફિટ રાખી શકાય છે.મોટાભાગના લોકોની આ આદત હોય છે કે તેઓ ફોનને 100 ટકા સુધી ચાર્જ ન થાય ત્યાં સુધી ફોનને ચાર્જ કરતા રાખે છે અને બેટરી ઓછામાં ઓછી 10 ટકા સુધી ઘટી જાય તો પણ ચાર્જ કરવા માટે લગાવી દે છે.

નિષ્ણાતોનું માનવું છે કે, અગાઉની એસિડ બેટરીની જેમ આગામી ચાર્જિંગ પહેલા ફોનની બેટરી સંપૂર્ણપણે ખતમ થઈ જાય તેની રાહ જોવી યોગ્ય નથી. જ્યારે આમ કરવાથી આધુનિક સમયની લિથિયમ આયન બેટરીને નુકસાન થઈ શકે છે. બૅટરી સૌથી વધુ તણાવ હેઠળ હોય છે જ્યારે તે સંપૂર્ણપણે ડ્રેઇન થઈ જાય છે અથવા સંપૂર્ણ ચાર્જ થઈ જાય છે. તેથી, આ પરિસ્થિતિઓને ટાળવી જોઈએ જેથી લિથિયમ-આયન બેટરીની લાઇફ વધારી શકાય.

આવી સ્થિતિમાં, સાચો રસ્તો એ છે કે ફોનનું ચાર્જિંગ 80 થી 90 ટકા ચાર્જ  થયા બાદ બંધ કરી દેવી જોઇએ અને જ્યારે 20 ટકા જ બેટરી રહે ત્યારે જ ચાર્જમાં મુકવી જોઇએ. વારંવાર બેટરી ચાર્જ માટે મુકવાથી તેની લાઇફ ઝડપથી પુરી થઇ જાય છે. કેટલાક લોકો ઓવરનાઇટ ફોનને ચાર્જમા રાખે છે આ આ આદત પણ ફોનની બેટરીને ઝડપથી ખરાબ કરી નાખે છે.

Join Our Official Telegram Channel:

https://t.me/abpasmitaofficial