હવે ફેક કોલથી મળશે છુટકારો, DoTનો ટેલિકોમ કંપનીઓને નવો આદેશ

ટેલિકોમ વિભાગે Jio, Airtel, BSNL અને Viને CNAP રોલ આઉટ કરવાનો નિર્દેશ આપ્યો, ટૂંક સમયમાં ફોન પર કોલરનું સાચું નામ દેખાશે, ફેક કોલ પર લાગશે લગામ.

પ્રતિકાત્મક તસવીર

Source : Alberto Adán/Pixabay

DOT CNAP rollout directive: ડિપાર્ટમેન્ટ ઓફ ટેલિકોમ્યુનિકેશન્સ (DoT)એ ટેલિકોમ ઓપરેટર્સ Jio, Airtel, BSNL અને Viને શક્ય તેટલી વહેલી તકે કોલર આઈડી નેમ પ્રેઝન્ટેશન (CNAP) રોલ આઉટ કરવાનો આદેશ આપ્યો છે, જેથી યુઝર્સના ફોન પર આવતા ફેક કોલને રોકી શકાય. ટેલિકોમ કંપનીઓ ગયા વર્ષથી CNAPનું ટ્રાયલ કરી રહી છે. આ ફીચરની શરૂઆત બાદ ફોન પર આવનાર દરેક કોલરને સરળતાથી ઓળખી શકાશે.

CNAP ટૂંક સમયમાં ઉપલબ્ધ

ET ટેલિકોમના અહેવાલ મુજબ, ગયા અઠવાડિયે ટેલિકોમ ઓપરેટરો સાથે યોજાયેલી બેઠકમાં ટેલિકોમ વિભાગે જણાવ્યું હતું કે આ ટેક્નોલોજીનું ટ્રાયલ સફળ રહ્યું છે અને તે ટૂંક સમયમાં સ્માર્ટફોન યુઝર્સ માટે ઉપલબ્ધ થશે. જો કે, 2G ફીચર ફોન યુઝર્સને આ ફીચરનો લાભ નહીં મળે.

CNAP કેવી રીતે કામ કરશે?

CNAP લાગુ થયા પછી મોબાઈલ યુઝરના ફોન પર આવનારા કોલ્સમાં કોલરનું નામ દેખાશે. આમાં કોલરનું તે જ નામ દેખાશે જેના નામ પર સિમ કાર્ડ આપવામાં આવ્યું છે. આમ થવાથી સ્કેમર્સ વપરાશકર્તાઓને નકલી કોલ કરી શકશે નહીં.

પીએમઓનો આદેશ

તાજેતરમાં વડા પ્રધાન કાર્યાલય (PMO)એ પણ દેશભરના મોબાઇલ વપરાશકર્તાઓના હિતોને ધ્યાનમાં રાખીને ટેલિકોમ્યુનિકેશન વિભાગને નિર્દેશ આપ્યો છે કે આધાર બાયોમેટ્રિક વેરિફિકેશન વિના નવા સિમ કાર્ડ વેચવામાં ન આવે. આમ કરવાથી નકલી દસ્તાવેજો દ્વારા સિમ કાર્ડ જારી કરવાનું બંધ થશે અને લોકો સાથે થઈ રહેલી છેતરપિંડી પર અંકુશ લાવી શકાશે.

CNAP શું છે?

CNAP એ એક પૂરક સેવા છે જે ફોન સ્ક્રીન પર કોલ કરનારનું નામ દર્શાવે છે. હાલમાં Truecaller અને Bharat Caller ID જેવી થર્ડ પાર્ટી એપ્સ પણ આ સુવિધા આપે છે, પરંતુ તેમની સર્વિસ ક્રાઉડ સોર્સ્ડ ડેટા પર આધારિત હોવાથી તે સંપૂર્ણ ભરોસાપાત્ર નથી. ટ્રાઈએ ગયા વર્ષે CNAP દ્વારા કરાયેલી ભલામણોને યુઝરના KYC ડોક્યુમેન્ટમાં નોંધાયેલા નામના આધારે તૈયાર કરી છે, જેથી સાચા કોલરની ઓળખ કરી શકાય. આ ફીચર સિમ કાર્ડ ખરીદતી વખતે યુઝર દ્વારા આપવામાં આવેલા KYC રજીસ્ટ્રેશન ડેટાના આધારે કોલરનું નામ પ્રદર્શિત કરશે.

આ પણ વાંચો....