ગૂગલ લૉન્ચ કરશે બે નવા 5G સ્માર્ટફોન, જાણો ભારતમાં ક્યારે આવશે આ ફોન? શું હશે કિંમત?

કંપનીએ Pixel 4a 5G અને Pixel 5 5Gની પણ જાહેરાત કરી દીધી છે. જોકે ગૂગલે સ્પષ્ટતા કરી દીધી છે કે તે Pixel 5 અને Pixel 4a 5G ભારતમાં લૉન્ચ નહીં કરે, કંપનીએ આનુ કારણ બતાવતા કહ્યુ કે લૉકલ માર્કેટ અને ટ્રેન્ડ જેવા અલગ અલગ ફેક્ટરોને ધ્યાનમાં રાખીને આ નિર્ણય કરવામાં આવ્યો છે

નવી દિલ્હીઃ અમેરિકન ટેક કંપની ગૂગલે નવો Pixel 4a સ્માર્ટફોન લૉન્ચ કરી દીધો છે. આની સાથે જ કંપનીએ Pixel 4a 5G અને Pixel 5 5Gની પણ જાહેરાત કરી દીધી છે. જોકે ગૂગલે સ્પષ્ટતા કરી દીધી છે કે તે Pixel 5 અને Pixel 4a 5G ભારતમાં લૉન્ચ નહીં કરે, કંપનીએ આનુ કારણ બતાવતા કહ્યુ કે લૉકલ માર્કેટ અને ટ્રેન્ડ જેવા અલગ અલગ ફેક્ટરોને ધ્યાનમાં રાખીને આ નિર્ણય કરવામાં આવ્યો છે. Pixel 4a 5G અને Pixel 5 5G સ્માર્ટફોનની વાત કરીએ તો આ ફોનને હાલ અમેરિકામાં લૉન્ચ કરવામાં આવ્યા છે, ભારતમાં ક્યારે આવશે તેની કોઇ જાહેરાત નથી કરાઇ. કેમકે હાલ ભારતમાં 5G ઉપલબ્ધતા નથી. ગૂગલ Pixel 4a સ્માર્ટફોનની કિંમતની વાત કરીએ, આનુ પહેલુ વેરિએન્ટ 4G છે, જેની કિંમત 349 ડૉલર (લગભગ 26,250 રૂપિયા) છે, અને બીજુ વેરિએન્ટ 5G છે, જેની શરૂઆતી કિંમત 499 ડૉલર (લગભગ 37,534) છે. ભારતમાં આ સ્માર્ટફોન ઓક્ટોબરથી મળવાનો શરૂ થઇ જશે. માર્કેટમાં આ ફોનની ટક્કર OnePlus Nord, Samsung Galaxy A51 અને Samsung Galaxy A71ની સાથે થશે. ફિચર્સની વાત કરીએ તો...... ગૂગલ Pixel 4a સ્માર્ટફોનમાં 5.8 ઇંચની OLED ડિસ્પ્લે છે, ક્વાલકૉમ સ્નેપડ્રેગન 730G ચિપસેટ, 6GB રેમ અને 128GB સ્ટૉરેજ સ્પેસ છે. આમાં 12.2-મેગાપિક્સલ કેમેરા અને 8-મેગાપિક્સલનો ફ્રન્ટ કેમેરો છે. સાથે જ આમાં રિયર-માઉન્ટેડ ફિંગરપ્રિન્ટ સેન્સર ફાસ્ટ ચાર્જિંગ ટેકનિકની સાથે 3,140mAhની બેટરી છે. આ ગૂગલનો પહેલો 5G સ્માર્ટફોન છે, આનુ 5G વેરિએન્ટ યુએસ, કેનેડા, યુનાઇટેડ કિંગડમ, આયરલેન્ડ, ફ્રાન્સ, જર્મની, જાપાન, તાઇવાન અને ઓસ્ટ્રેલિયામાં મળશે. અમેરિકામાં આની પ્રી-ઓર્ડર બુકિંગ શરૂ છે. Google Pixel 4aનું 4G વેરિએન્ટ ભારતમાં ઓક્ટોબર 2020 માં મળશે. ભારતમાં આને Flipkart પર વેચવામાં આવશે.