1 વ્યૂના કેટલા રુપિયા આપે ચૂકવે છે YouTube? કન્ટેન્ટ ક્રિએટર્સ માટે આ વાત જાણવી છે જરુરી
ઘણા લોકો YouTube માંથી ઘણી કમાણી કરી રહ્યા છે. જો તમે પણ કન્ટેન્ટ ક્રિએટર છો, તો પ્લેટફોર્મ પરથી તમારી કમાણી મહત્તમ કરવા માટે YouTube ની પે-પર-વ્યૂ સિસ્ટમ સમજવી મહત્વપૂર્ણ છે.
YouTube: જો તમે કન્ટેન્ટ ક્રિએટર છો, તો YouTube ના કમાણી નિયમોને સમજવું મહત્વપૂર્ણ છે. YouTube દરેક વ્યૂ માટે ક્રિએટરને ચૂકવણી કરે છે, પરંતુ તેનો અર્થ એ નથી કે જો તમારા વિડિયોને 1 મિલિયન વ્યૂ મળે તો તમે શ્રીમંત બની જશો. હકીકતમાં, YouTube એડ પર આવેલા વ્યૂ પ્રમાણે ક્રિએટરને ચૂકવણી કરે છે. YouTube જાહેરાતકર્તાઓ પાસેથી મળેલા 45 ટકા પૈસા રાખે છે, અને 55 ટકા ક્રિએટરને આપવામાં આવે છે.
YouTube ની પે-પર-વ્યૂ સિસ્ટમ કેવી રીતે કાર્ય કરે છે?
એક અહેવાલ મુજબ, YouTube ની પે-પર-વ્યૂ સિસ્ટમ ક્રિએટરને પૈસા કમાવવામાં મદદ કરવા માટે કાર્ય કરે છે. આનો અર્થ એ નથી કે તમને તમારા વિડિઓને મળતા દરેક વ્યૂ માટે ચૂકવણી કરવામાં આવશે. વાસ્તવમાં, YouTube તમારા વિડિઓને જાહેરાતો માટે મળેલા વ્યૂની સંખ્યાના આધારે ચૂકવણી કરે છે. ઉદાહરણ તરીકે, જો તમારા વિડિઓને 100,000 વ્યૂ હોય પરંતુ કોઈ જાહેરાતો ન હોય, તો તમને કોઈ પૈસા મળશે નહીં. જો તમારા વિડિઓને 100,000 વ્યૂ હોય અને તેના પર ચાલી રહેલી જાહેરાતને 10,000 વ્યૂ હોય, તો તે 10,000 વ્યૂના પૈસા તમારા ખાતામાં જમા થશે.
વધુ જાહેરાત જોવાય તો વધુ પૈસા મળે
જો તમારા વિડિયોમાં એકથી વધુ જાહેરાતો ચાલી રહી હોય, તો આ જાહેરાતો તમારા વિડિયોની આવકમાં વધારો કરી શકે છે. આવી સ્થિતિમાં, તમારા વિડિયો ઓછા જોવાયા હોવા છતાં પણ તમે સારી આવક મેળવશો. YouTube ની આવક જાહેરાતોમાંથી આવે છે, તેથી તે ફક્ત જાહેરાતોના આધારે ક્રિએટરને ચૂકવણી કરે છે.
વ્યૂ પ્રમાણે કેટલા રુપિયા મળે છે?
આ પ્રશ્નનો કોઈ સીધો જવાબ નથી. વ્યૂ પ્રમાણે કમાણી સબ્સક્રાઈબર્સ, વીડિયોની રીચ અને એન્ગેજમેન્ટ જેવા ઘણા ફેક્ટર પર આધારીત છે, છતા પણ જો આપણે ઓવરઓલ અનુમાન લગાવીએ તો એક ક્રિએટર 1,000 એડ વ્યૂ પર 5-15 ડોલર (આશરે ₹444 અને ₹1330) ની વચ્ચે કમાણી કરી શકે છે.
યૂટ્યૂબ પોતે કેવી રીતે કમાણી કરે છે
YouTube એ એવા દર્શકો માટે YouTube પ્રીમિયમ સેવા શરૂ કરી છે જે જાહેરાતો વિના વિડિઓઝ જોવા માંગે છે. યુઝર્સ આ સબ્સ્ક્રિપ્શન માટે નિશ્ચિત માસિક ફી ચૂકવે છે. આ દર્શકોને એડ ફ્રી અનુભવ જ નહીં પરંતુ YouTube ને એક મજબૂત, નિયમિત આવક સ્ત્રોત પણ મળી રહે છે. પ્રીમિયમ યુઝર્સને બેકગ્રાન્ડ પ્લે અને એક્સક્લુસિવ કંટેંટ જેવી સુવિધા મળે છે.
સુપર ચેટ અને સુપર થેંક્સ
YouTube એ લાઇવ-સ્ટ્રીમિંગ યુટ્યુબર્સ માટે સુપર ચેટ અને સુપર થેંક્સ જેવી સુવિધાઓ રજૂ કરી છે. દર્શકો લાઇવ વિડિઓઝ જુએ ત્યારે આ સુવિધાઓ દ્વારા પૈસા મોકલી શકે છે. આ પૈસાનો એક ભાગ યુટ્યુબર પાસે જાય છે, પરંતુ યુટ્યુબ પણ નોંધપાત્ર ભાગ જાળવી રાખે છે. આ યુટ્યુબ માટે આવકનો એક મહત્વપૂર્ણ સ્ત્રોત પણ છે.
મેમ્બરશિપ અને ચેનલ જોઇન ફીચર
આજકાલ ઘણા યુટ્યુબર્સ તેમની ચેનલો પર Membership Program અથવા Join Button ઓફર કરે છે. જેમાં માસિક ફી ચૂકવીને, દર્શકો વિશિષ્ટ સામગ્રી, બેજ અને અન્ય સુવિધાઓને ઍક્સેસ કરી શકે છે. આ સુવિધા યુટ્યુબની આવકમાં પણ નોંધપાત્ર ફાળો આપે છે, તેની આવકમાં વધારો કરે છે.
બ્રાન્ડ પાર્ટનશિપ અને મેર્ચેડાઇજિંગ
YouTube સર્જકો અને બ્રાન્ડ્સને પણ જોડે છે. જ્યારે કોઈ મુખ્ય બ્રાન્ડ યુટ્યુબરથી પ્રોમશન કરાવે છે, ત્યારે આ પરોક્ષ રીતે YouTube માટે આવક ઉત્પન્ન કરે છે. વધુમાં, YouTube Merch Shelf ફીચર દ્રારા ક્રિએટર તેમના પ્રોડક્ટ વેચી શકે છે. તેનાથી થતી ઇન્કમમાં યુટ્યુબનો પણ હિસ્સો હોય છે. અને તેનાથી તે આવક મળવે છે.
ટોપ સ્ટોરી
ટ્રેન્ડિંગ સમાચાર
