ગૂગલની મોટી જાહેરાત, હવે હિંદીમાં કામ કરશે AI Mode, તમારી જેમ કરશે વાતચીત
AI Modeમાં હિન્દી સપોર્ટ રજૂ થયા પછી યુઝર્સ Google Searchમાં હિન્દીમાં લાંબા અને જટિલ પ્રશ્નો જાણી શકશે
ગુગલે Google AI Modeમાં નવી ભાષાઓ માટે સપોર્ટ એક્ટિવ કર્યો છે ત્યારબાદ હવે તે હિન્દી ભાષાને પણ સપોર્ટ કરશે. કંપનીએ પાંચ નવી ભાષાઓ માટે સપોર્ટ સામેલ કર્યો છે. પહેલા આર્ટિફિશિયલ ઇન્ટેલિજન્સનો આ મોડ ફક્ત અંગ્રેજી ભાષાને સપોર્ટ કરતો હતો અને હવે તે હિન્દીની સાથે ઇન્ડોનેશિયન, જાપાનીઝ, કોરિયન અને બ્રાઝિલિયન પોર્ટુગીઝ ભાષાને પણ સપોર્ટ કરશે.
AI Modeમાં હિન્દી સપોર્ટ રજૂ થયા પછી યુઝર્સ Google Searchમાં હિન્દીમાં લાંબા અને જટિલ પ્રશ્નો જાણી શકશે. AI મોડમાં ટેક્સ્ટ, ઑડિયો, ફોટો અથવા વિડિયો અપલોડ કરીને જટિલ પ્રશ્નો પણ પૂછી શકાય છે.
કેવી રીતે કામ કરે છે AIનું દિમાગ
AI Modeમાં હિન્દી ભાષાનો સપોર્ટ એવા લોકોને ફાયદો કરાવશે જેમને અંગ્રેજી ભાષા સમજવામાં મુશ્કેલી પડે છે. આ પાછળ ગૂગલના નવા Gemini 2.5 મોડલનો ઉપયોગ કરવામાં આવ્યો છે, જે સંદર્ભને સમજીને વધુ સારા રિઝલ્ટ આપે છે.
AI Mode 180 દેશો માટે રિલીઝ કરવામાં આવ્યો છે
ગૂગલના આ એક્સપેન્શન અગાઉ કંપનીએ 180 દેશો માટે AI મોડ રજૂ કર્યો છે. અમેરિકા પછી આ સેવા ભારત અને અન્ય દેશોમાં શરૂ થઈ ગઈ છે. ગૂગલ સર્ચમાં AI મોડનો એક ટેબ આપવામાં આવ્યો છે, જ્યાં યુઝર્સ તેમના સર્ચિંગ રિઝલ્ટ વધુ સારી રીતે જોઈ શકે છે.
ગુગલનો AI મોડ શું છે?
ગુગલનો AI મોડ વાસ્તવમાં સર્ચ રિઝલ્ટને વધુ સારી રીતે બતાવવાનો એક રસ્તો છે. આ મોડમાં યુઝરની સર્ચ અને પ્રશ્નોના જવાબો બતાવવામાં આવે છે. આ જવાબ ખૂબ જ વ્યવસ્થિત રીતે બતાવવામાં આવે છે.
AI મોડમાં પહેલા એક ઇન્ટ્રો હોય છે, ત્યારબાદ માહિતી વિવિધ સબહેડ સાથે બતાવવામાં આવે છે. અહીં યુઝર્સ ફોલો-અપ પ્રશ્નો પણ પૂછી શકશે. અહીં યુઝર્સ ટેક્સ્ટ, ઓડિયોની મદદથી સર્ચ કરી શકે છે.
ગુગલ AI મોડ માર્ચ 2025માં અમેરિકાથી શરૂ થયો હતો. અગાઉ તેને સર્ચ લેબ્સ દ્વારા પ્રાયોગિક રીતે લોન્ચ કરવામાં આવ્યો હતો. તે સૌપ્રથમ યુ.એસ.માં Google One AI Premium સબ્સ્ક્રાઇબર્સ માટે લોન્ચ કરવામાં આવ્યું હતું.
AI Mode AI Overviewથી અલગ છે
ગુગલ પાસે AI Overview ફીચર પણ છે, જેની મદદથી યુઝર્સ સર્ચિંગ રિઝલ્ટ જોઈ શકે છે. AI ઓવરવ્યૂ વાસ્તવમાં ગુગલ AI મોડથી અલગ છે.
ટોપ સ્ટોરી
ટ્રેન્ડિંગ સમાચાર
