1 સપ્ટેમ્બરથી બદલાઇ ગયો ગૂગલનો નિયમ!, મોબાઇલ યુઝર્સ આ કામ નહી કરે તો થશે નુકસાન
ગૂગલની નવી પ્લે સ્ટોર પોલિસી 1 સપ્ટેમ્બરથી લાગુ કરવામાં આવી છે
Google New Rule 2024: મોબાઈલ યુઝર્સ માટે એક સપ્ટેમ્બરથી ઓનલાઈન કામ માટે ઘણા નિયમોમાં ફેરફાર કરવામાં આવ્યા છે. જેની સીધી અસર ગૂગલ અને આધાર યુઝર પર પડશે. સાથે જ તેની અસર ટેલિકોમ કંપનીઓ પર પણ જોવા મળી શકે છે. 14 સપ્ટેમ્બરથી UIDAIની મફત સેવા પણ બંધ કરવામાં આવી રહી છે.
Play Store નીતિમાં ફેરફાર
ગૂગલની નવી પ્લે સ્ટોર પોલિસી 1 સપ્ટેમ્બરથી લાગુ કરવામાં આવી છે. ગૂગલના જણાવ્યા અનુસાર, પ્લે સ્ટોર પરથી આવી હજારો એપ્સ દૂર કરવામાં આવી રહી છે, જે પ્લે સ્ટોર પર ઓછી ગુણવત્તામાં હાજર છે. આ એપ્સ માલવેરનો સ્ત્રોત બની શકે છે. ગૂગલે ક્વોલિટી કંન્ટ્રોલ તરફથી એક નવો નિયમ લાગુ કર્યો છે. આવી સ્થિતિમાં, વિશ્વભરના એન્ડ્રોઇડ સ્માર્ટફોન યુઝર્સને ઘણી રાહત મળી શકે છે. તે Google ની પ્રાઇવેસી માટે પણ શાનદાર સાબિત થઈ શકે છે.
14 સપ્ટેમ્બર સુધી મફત આધાર અપડેટ શક્ય બનશે
UIDAIએ મફત આધાર કાર્ડ અપડેટ કરવાની સમયમર્યાદા 14 સપ્ટેમ્બર, 2024 સુધી લંબાવી છે. આવી સ્થિતિમાં મોબાઈલ યુઝર્સ 10 વર્ષ જૂના આધાર કાર્ડને પણ ઘરે બેઠા અપડેટ કરી શકશે. આ મફત આધાર અપડેટની સુવિધા My Aadhaar પોર્ટલ પરથી ઉપલબ્ધ થશે. આ ઉપરાંત ગ્રાહકો આધાર કેન્દ્રની મુલાકાત લઈને પણ કાર્ડ અપડેટ કરાવી શકે છે, જેના માટે 50 રૂપિયા ચાર્જ કરવામાં આવે છે.
હવે OTP અને મેસેજ મેળવવામાં વિલંબ થઈ શકે છે
વાસ્તવમાં TRAIના નવા નિયમો અનુસાર, 1 સપ્ટેમ્બરથી કોઈ પણ ફેક કોલ અને મેસેજથી છૂટકારો મેળવી શકે છે. ટ્રાઈએ 1 સપ્ટેમ્બરથી અનરજિસ્ટર્ડ મેસેજ અને કોલ બ્લોક કરવાનો નિર્દેશ આપ્યો છે. જો કે, આનાથી ઓનલાઈન પેમેન્ટ, ઓનલાઈન શોપિંગ અને ઓનલાઈન ડિલિવરીમાં કેટલીક સમસ્યા થઈ શકે છે અને OTP અને મેસેજ મેળવવામાં વિલંબ થઈ શકે છે.
1 સપ્ટેમ્બરથી ટેલિકોમ અને કેબલ ટ્રાન્ઝેક્શન પર દર મહિને 2,000 પોઈન્ટની મર્યાદા લાગશે. આ ટ્રાન્ઝેક્શન્સને વિશિષ્ટ મર્ચન્ટ કેટેગરી કોડ (MCC) હેઠળ ટ્રેક કરવામાં આવે છે. આ મર્યાદા વિવિધ ખર્ચ કેટેગરીમાં ક્રેડિટ કાર્ડનો યોગ્ય ઉપયોગ સુનિશ્ચિત કરે છે.
આ પણ વાંચોઃ
ટોપ સ્ટોરી
ટ્રેન્ડિંગ સમાચાર
