Mobile Hacking: હેકરનું કામ આસાન બનાવી દે છે તમારી આ 3 આદતો, જલદીથી સુધારી લો નહીં તો.......

આજકાલ સ્માર્ટફોન હેક થવાના સમાચાર સતત આવતા રહે છે અને આવી સ્થિતિમાં આપણું ડિવાઈસ પણ કોઈને કોઈ ખતરામાં આવી જાય તેવી આશંકા છે

(તસવીર- સોશ્યલ મીડિયા પરથી)

Mobile Hacking: આજકાલ સ્માર્ટફોન હેક થવાના સમાચાર સતત આવતા રહે છે અને આવી સ્થિતિમાં આપણું ડિવાઈસ પણ કોઈને કોઈ ખતરામાં આવી જાય તેવી આશંકા છે. હેકિંગ ક્યારે અને કયા સ્વરૂપમાં થશે તે અંગે કોઈ કંઈ કહી શકે તેમ નથી, પરંતુ કેટલીક બાબતોનું ખાસ ધ્યાન રાખવું ખૂબ જ જરૂરી બની જાય છે. એચડીએફસી બેંકે તાજેતરમાં તેના ગ્રાહકો માટે એક નવી સાયબર સિક્યૉરિટી એડવાઇઝરી જાહેર કરી છે, જેમાં ખાસ સુરક્ષા ટીપ્સને હાઇલાઇટ કરવામાં આવી છે. યૂઝર્સની કેટલીક આદતો છે જે હેકર્સનું કામ વધુ સરળ બનાવે છે. ચાલો જાણીએ કે જો તમે પણ હેકર્સથી સુરક્ષિત રહેવા માંગતા હોવ તો સુરક્ષાને ધ્યાનમાં રાખીને કઈ વસ્તુઓ વધારી શકાય છે.

બ્લૂટૂથ (Bluetooth)- 
મોટાભાગના સ્માર્ટફોન યુઝર્સ તેમના સ્માર્ટફોનમાં બ્લૂટૂથ પર વધુ ધ્યાન આપતા નથી. જ્યારથી TWS ઇયરબડ્સનો ટ્રેન્ડ વધ્યો છે, ત્યારથી મોટાભાગના ફોનમાં બ્લૂટૂથ ચાલુ રહે છે, પરંતુ સલાહ આપવામાં આવે છે કે જો જરૂર ન હોય તો બ્લૂટૂથ ચાલુ ના રાખવા જોઈએ.

એક્ટિવ અને વધારે સમય સુધી કોઇનામાં કનેક્ટ રહેનારું બ્લૂટૂથ હેકર્સને એ જાણવામાં મદદ કરે છે કે તમારા સ્માર્ટફોને અગાઉ કયા ઉપકરણો સાથે પેર કર્યું છે અને હેકર્સ તમારા સ્માર્ટફોનની ઍક્સેસ મેળવવા માટે સ્પૂફિંગ એટેકને શરૂ કરી શકે છે. તેથી જો જરૂરી ના હોય તો બ્લૂટૂથ બંધ રાખો.

પાસવર્ડ (Password)- 
જો તમે તમારી લૉક સ્ક્રીન અને મોબાઇલ બેંકિંગ એપ્લિકેશન સહિત તમારા સ્માર્ટફોન પરની તમામ એપ્લિકેશનો માટે સમાન પાસવર્ડ/પીનનો ઉપયોગ કરો છો, તો તમારે તેમ કરવાનું બંધ કરવું પડશે. જો એક પાસવર્ડ દરેક એપ અને સ્માર્ટફોનને અનલૉક કરે છે, તો તમે હેકર્સ માટે તેને સરળ બનાવી રહ્યા છો.

ખાસ કરીને, લોકો જે પીન અથવા પાસવર્ડથી ફોનની લૉક સ્ક્રીન ખોલે છે, તે જ અન્ય એપ ખોલવા માટે પણ રાખે છે, પરંતુ તેમ કરવું યોગ્ય નથી. પરંતુ ઘણી વખત પ્રશ્ન થાય છે કે કેટલા પાસવર્ડ યાદ રાખવા જોઈએ.

તેથી તમે Google પાસવર્ડ મેનેજરનો ઉપયોગ કરીને આ કરી શકો છો. Google પાસવર્ડ મેનેજર તમારા બધા ઑનલાઇન એકાઉન્ટ્સ માટે અનન્ય અને મજબૂત પાસવર્ડ બનાવવાનું સરળ બનાવે છે. જ્યારે તમે Google પાસવર્ડ મેનેજરનો ઉપયોગ કરો છો, ત્યારે તમારા પાસવર્ડ તમારા Google એકાઉન્ટમાં સાચવવામાં આવે છે.

બેંકિંગ એપ લૉગઆઉટ (Banking App LogOut)- 
કેટલાક લોકોને એવી આદત હોય છે કે તેઓ બેંકિંગ એપ દ્વારા તમામ કામ કરે છે અને પછી એપમાંથી લોગ આઉટ કરવાને બદલે બેક બટન દબાવી દે છે. પરંતુ તમારે હંમેશા બેંકિંગ એપમાંથી લોગ આઉટ કરવું જોઈએ અને માત્ર બેક બટન દબાવવું જોઈએ નહીં. જો તમે આવું ન કરો તો, બેંકિંગ એપ અમુક સમય માટે લોગ ઈન રહી શકે છે અને જો તમારું ઉપકરણ હેક થઈ જાય અથવા ખોટા હાથમાં આવી જાય તો જોખમ ઊભું થઈ શકે છે.