iPhone બની જશે આખા ઘરનું રિમૉટ, કમાલની ટેકનોલૉજી લાવી રહ્યું છે Apple, મેળવી લીધી પેટન્ટ

Apple Granted New Patent: આઇફોનનો ઉપયોગ ટીવી નિયંત્રિત કરવા કાર અનલૉક કરવા વગેરે માટે થઈ શકે છે. એપલ હવે આ ટેકનોલોજીને વધુ આગળ લઈ જવા માંગે છે

(તસવીર- એબીપી લાઇવ)

Source : એબીપી અસ્મિતા

Apple Granted New Patent: ટેક કંપની એપલ એક અદભૂત ટેકનોલોજી લાવી રહી છે. આમાં તમે iPhone અથવા અન્ય કોઈપણ ઉપકરણથી ઘરની દરેક વસ્તુને નિયંત્રિત કરી શકશો. આ માટે એપલે એક નવું પેટન્ટ મેળવ્યું છે. આ પેટન્ટનું નામ "કન્ટ્રૉલિંગ ઇલેક્ટ્રૉનિક્સ ડિવાઇસીસ બેઝ્ડ ઓન વાયરલેસ રેન્જિંગ" છે. તાજેતરમાં, સેમસંગે પણ આવી જ પેટન્ટ ફાઇલ કરી હતી, જેમાં ગેલેક્સી રિંગ ઘરમાં વિવિધ ઉપકરણોને નિયંત્રિત કરતી દર્શાવવામાં આવી હતી.

Apple લાવવા માંગે છે એવી ટેકનોલૉજી 
હાલમાં, આઇફોનનો ઉપયોગ ટીવી નિયંત્રિત કરવા કાર અનલૉક કરવા વગેરે માટે થઈ શકે છે. એપલ હવે આ ટેકનોલોજીને વધુ આગળ લઈ જવા માંગે છે, જ્યાં એક જ ઉપકરણથી બધું નિયંત્રિત કરી શકાય છે અને આ ઉપકરણ પોતે જ અનુમાન કરશે કે તમે આગળ શું કરવા માંગો છો. એપલના પેટન્ટમાં ખાસ કરીને આઇફોનનો ઉલ્લેખ નથી. તે આઈપેડ અથવા એપલ વૉચ પણ હોઈ શકે છે. પેટન્ટમાં તેને ફક્ત વાયરલેસ કૉમ્યૂનિકેશન ડિવાઇસ કહેવામાં આવ્યું છે.

આ રીતે કામ કરશે ટેકનોલૉજી 
પેટન્ટ મુજબ, આઇફોન અથવા આ ઉપકરણને ખબર પડે કે તમે શું કરવા માંગો છો, તે AI ની મદદથી તે કામ કરશે. ઉદાહરણ તરીકે, જો તમે આ ઉપકરણને ટીવી તરફ વાળો છો તો તે પોતાની મેળે ચેનલ બદલી નાખશે અથવા જો તમે તેને ઇલેક્ટ્રિક કીટલી તરફ વાળો છો તો તે તેમાં પાણી ગરમ કરશે. એવું અનુમાન કરવામાં આવી રહ્યું છે કે તે નિકટતાના આધારે કામ કરી શકે છે. આ ઉપરાંત, આ ઉપકરણ કોઈપણ અન્ય ઉપકરણને સ્પર્શ કર્યા વિના લોક/અનલોક કરી શકશે.

શું હોઇ શકે છે આ પેટન્ટનું ભવિષ્ય ? 
હાલમાં કંપનીને ફક્ત પેટન્ટ જ મળ્યું છે. આવી સ્થિતિમાં આ પેટન્ટ ખરેખર આપણી સમક્ષ આવશે કે નહીં તે કહેવું બહુ વહેલું ગણાશે. ઘણી વખત એવું બને છે કે પેટન્ટ ફક્ત કાગળો સુધી જ સીમિત રહે છે.