9 જુલાઈએ લૉન્ચ થશે Samsung ની નવી ફોલ્ડેબલ સીરીઝ, નવા લૂક સાથે મળશે તગડા ફિચર્સ
Samsung Foldable Smartphone: સેમસંગે તેના ઓફિશિયલ બ્લોગમાં જણાવ્યું હતું કે તમે આ ઈવેન્ટ કંપનીના ઓફિશિયલ સોશિયલ મીડિયા ચેનલ તેમજ યુટ્યુબ અને સેમસંગ ન્યૂઝરૂમ પર લાઈવ જોઈ શકશો
Samsung Foldable Smartphone: સેમસંગે તેની નવી ફોલ્ડેબલ સ્માર્ટફોન શ્રેણીની લોન્ચ તારીખની પુષ્ટિ કરી છે. દક્ષિણ કોરિયન કંપની 9 જુલાઈના રોજ અનપેક્ડ ઇવેન્ટમાં ગેલેક્સી ઝેડ ફોલ્ડ 7, ગેલેક્સી ઝેડ ફ્લિપ 7 સહિત અનેક નવા ઉત્પાદનો લોન્ચ કરશે. આ વખતે કંપની તેનું FE મોડેલ પણ લોન્ચ કરી શકે છે. સેમસંગનો આ લોન્ચ ઇવેન્ટ અમેરિકાના ન્યુ યોર્કમાં યોજાશે. કંપની તેની આગામી ફોલ્ડેબલ સ્માર્ટફોન શ્રેણીમાં ઘણા મોટા ફેરફારો કરી શકે છે. ઉપરાંત, ગયા વર્ષે લોન્ચ થયેલા ઉપકરણોની તુલનામાં આમાં સારો અપગ્રેડ જોવા મળી શકે છે.
લાઈવ ઈવેન્ટ ક્યાં જોશો ?
સેમસંગે તેના ઓફિશિયલ બ્લોગમાં જણાવ્યું હતું કે તમે આ ઈવેન્ટ કંપનીના ઓફિશિયલ સોશિયલ મીડિયા ચેનલ તેમજ યુટ્યુબ અને સેમસંગ ન્યૂઝરૂમ પર લાઈવ જોઈ શકશો. આ ઈવેન્ટ ભારતીય સમય મુજબ 9 જુલાઈના રોજ સાંજે 7 વાગ્યે શરૂ થશે. ઈ-કોમર્સ વેબસાઈટ એમેઝોન અને ફ્લિપકાર્ટ દ્વારા સેમસંગના ફોલ્ડેબલ ફોનના લોન્ચ માટે એક ડેડિકેટેડ પેજ બનાવવામાં આવ્યું છે. ઉપરાંત, આ નવી ફોલ્ડેબલ સ્માર્ટફોન સીરીઝનું પ્રી-રિઝર્વેશન પણ શરૂ થઈ ગયું છે. આ સીરીઝ 1,999 રૂપિયામાં પ્રી-રિઝર્વ કરી શકાય છે. આમાં યુઝર્સને 5,999 રૂપિયા સુધીના ફાયદા આપવામાં આવશે.
શું નવું હશે ?
સેમસંગની નવી ફોલ્ડેબલ સિરીઝમાં આ વર્ષે પાતળી અને હળવી ડિઝાઇન હોઈ શકે છે. વપરાશકર્તાઓને ફોનના દેખાવ અને ડિઝાઇનમાં આ ફેરફાર જોવા મળશે. આ ઉપરાંત, ડિસ્પ્લેનું કદ પણ પાછલા મોડેલ કરતા મોટું હશે. એવું અનુમાન કરવામાં આવી રહ્યું છે કે નવી ફોલ્ડેબલ સ્માર્ટફોન સિરીઝમાં વધુ સારો કેમેરા અને મોટી બેટરી હોઈ શકે છે.
સેમસંગનો ફોલ્ડેબલ સ્માર્ટફોન
સેમસંગે યુઝર્સને અલ્ટ્રા એક્સપિરિયન્સ આપવાનું પણ વચન આપ્યું છે. કંપનીએ ફોલ્ડેબલ ફોન પોર્ટેબલના મજબૂત ફેક્ટરને જાળવી રાખવાનું વચન આપ્યું છે. એટલું જ નહીં, આ ફોનમાં ગૂગલ જેમિની આધારિત AI ફીચર્સ પણ આપવામાં આવશે. રિપોર્ટ અનુસાર, આ વર્ષે અલ્ટ્રા અને FE ફોલ્ડેબલ ફોન પણ લોન્ચ થઈ શકે છે.
ટોપ સ્ટોરી
ટ્રેન્ડિંગ સમાચાર
