Aadhaar Update: આધાર કાર્ડને મફતમાં અપડેટ કરવાની ડેડલાઇનમાં વધારો, જાણો સમગ્ર પ્રોસેસ?

Aadhaar Update: કેન્દ્ર સરકારે આધાર કાર્ડને મફતમાં અપડેટ કરવાની સમયમર્યાદા વધારી દીધી છે

પ્રતિકાત્મક તસવીર

Update Aadhaar Online: કેન્દ્ર સરકારે આધાર કાર્ડને મફતમાં અપડેટ કરવાની સમયમર્યાદા વધારી દીધી છે. હવે તમે 14 જૂન સુધી આધાર કાર્ડ અપડેટ કરી શકશો. હાલમાં તેની છેલ્લી તારીખ 14મી માર્ચ હતી. UIDAIએ સોશિયલ મીડિયા પોસ્ટ દ્વારા આ નિર્ણયની જાણકારી આપી છે. આ મફત સેવા માત્ર myAadhaar પોર્ટલ પર જ ઉપલબ્ધ હશે. તેનાથી કરોડો લોકોને ફાયદો થશે. UIDAI લોકોને તેમના દસ્તાવેજો અપડેટ કરવાની સંપૂર્ણ તક આપવા માંગે છે.

#UIDAI extends free online document upload facility till 14th June 2024; to benefit millions of Aadhaar holders.
This free service is available only on the #myAadhaar portal. UIDAI has been encouraging people to keep documents updated in their #Aadhaar pic.twitter.com/eaSvSWLvvt

— Aadhaar (@UIDAI) March 12, 2024

 

10 વર્ષ પહેલા જાહેર કરાયેલ આધારને અપડેટ કરો.

આધાર એ 12 અંકનો યુનિક ID નંબર છે. તેમાં ભારતીયોની બાયોમેટ્રિક અને ડેમોગ્રાફિક ઓળખ વિશેની માહિતી છે. આ કારણે કોઈ પણ વ્યક્તિ ખોટી ઓળખ બનાવી શકતી નથી. કોઈપણ નાગરિકની બાયોમેટ્રિક માહિતી બીજાની સાથે મેળ ખાતી નથી, તેથી આધાર એ ખૂબ જ મહત્વપૂર્ણ ઓળખ કાર્ડ છે. તેની મદદથી દેશમાંથી નકલી ઓળખની સમસ્યા ખતમ થઈ ગઈ છે. જો તમારો આધાર 10 વર્ષ પહેલા કે તે પહેલા જાહેર કરવામાં આવ્યું હોય તો UIDAI તમારા ઓળખ કાર્ડ અને સરનામાનો પુરાવો માંગે છે. આની મદદથી લોકોની સાચી માહિતી ફરીથી અપડેટ કરી શકાશે.

 

આ રીતે આધારને ઓનલાઈન અપડેટ કરો

-સૌથી પહેલા તમારે https://myaadhaar.uidai.gov.in/ વેબસાઇટ પર જવું પડશે. આ પછી તમારે તમારા આધાર નંબર અને OTPની મદદથી લોગ ઇન કરવાનું રહેશે.

-આ પછી તમારી પ્રોફાઇલ પર ઓળખ અને સરનામા સંબંધિત માહિતી દેખાવાનું શરૂ થશે.

-જો તમારી વિગતો સાચી હોય તો વેરીફાઈ પર ક્લિક કરો. જો માહિતી સાચી નથી તો નવું ઓળખ કાર્ડ અપલોડ કરવા માટે પસંદ કરો. પછી તેને અપલોડ કરો.

-એ જ રીતે તમારે એડ્રેસ પ્રૂફ તરીકે દસ્તાવેજ પસંદ કરવો પડશે. સબમિટ કર્યા પછી તેને અપલોડ કરો.

 

આધાર આ રીતે ઓફલાઈન અપડેટ થશે

-સૌથી પહેલા તમારે https://bhuvan.nrsc.gov.in/aadhaar/ પર જવું પડશે.

-અહીંથી તમે તમારું નજીકનું આધાર કેન્દ્ર શોધી શકશો.

-તમારું લોકેશન દાખલ કર્યા પછી તમને નજીકના આધાર કેન્દ્ર વિશે માહિતી મળશે.

-તમે પિન કોડ દ્વારા નજીકના આધાર કેન્દ્ર વિશેની માહિતી પણ એકત્રિત કરી શકશો.

-પિન કોડ દાખલ કર્યા પછી સર્ચ કરવાથી તમને આધાર કેન્દ્ર વિશે માહિતી મળશે, જ્યાં આધાર અપડેટ કરી શકાય છે.