Whatsapp Update: વોટ્સએપ યુઝર્સ માટે આવ્યા મોટા સમાચાર, લેપટોપ કે કોમ્પ્યુટરથી કરી શકશો વોઇસ અને વીડિયો કૉલ
આનો અર્થ એ થયો કે આગામી કેટલાક અઠવાડિયામાં આ ફીચર તમામ યુઝર્સ માટે રોલઆઉટ કરવામાં આવશે.
વોટ્સએપ તેના યુઝર્સ માટે એક મોટા ખુશખબર લઈને આવી રહ્યું છે. હવે તમે WhatsApp વેબ ક્લાયંટથી સીધા જ વૉઇસ અને વીડિયો કૉલ્સ કરી શકશો. વાસ્તવમાં વોટ્સએપ વેબ પર ચેટ કરવાની સુવિધા હતી પણ કોલિંગ કે વીડિયો કોલિંગની કોઈ સુવિધા નહોતી. આ માટે તમારે WhatsApp ની Windows અથવા Mac એપની મદદ લેવી પડતી હતી પરંતુ હવે WhatsApp વેબ પર કોલિંગના તમામ ફીચર્સ પણ ઉપલબ્ધ થશે.
WhatsApp is working on bringing voice and video calling capabilities to the web client!
— WABetaInfo (@WABetaInfo) April 28, 2025
WhatsApp is developing a feature that will allow users to make voice and video calls directly from their web browsers, and it will be available in a future update!https://t.co/ldnkNFSM6D pic.twitter.com/8kZgloVATc
WhatsApp અપડેટ ટ્રેકર WABetaInfo અનુસાર, આ નવા ફીચર્સને WhatsApp તેના વેબ ક્લાયંટના લેટેસ્ટ બીટા વર્ઝનમાં ટેસ્ટ કરી રહ્યું છે. આનો અર્થ એ થયો કે આગામી કેટલાક અઠવાડિયામાં આ ફીચર તમામ યુઝર્સ માટે રોલઆઉટ કરવામાં આવશે.
નવું શું હશે?
નવા અપડેટ પછી વોઇસ અને વીડિયો કોલ કરવા માટે વોટ્સએપ વેબ પર ફોન અને કેમેરા આઇકોન દેખાશે જે હાલમાં વોટ્સએપ એપ પર ઉપલબ્ધ છે. આ ચિહ્નો ચેટ નામની નજીક જમણી બાજુએ દેખાશે. આ સાથે યુઝર્સને આ કોલિંગ સુવિધાઓ એપ્લિકેશન જેટલી જ સરળ અને સુલભ લાગશે.
હવે તમે તમારા કમ્પ્યુટર અથવા લેપટોપ પર બ્રાઉઝરથી સીધા જ વૉઇસ અને વીડિયો કૉલ્સ કરી શકશો. આ માટે તમારે WhatsApp ડેસ્કટોપ એપ ડાઉનલોડ કરવાની જરૂર રહેશે નહીં. આ ફીચર ક્રોમ, સફારી અને એજ જેવા બધા મુખ્ય બ્રાઉઝર્સ પર કામ કરશે.
આ ફીચર્સ કેમ ખાસ છે?
આ ફીચર્સ યુઝર્સ માટે ખૂબ જ ઉપયોગી સાબિત થશે, કારણ કે હવે તેઓ એપ્લિકેશન ઇન્સ્ટોલ કર્યા વિના સીધા તેમના બ્રાઉઝરથી કોલ કરી શકશે. ખાસ કરીને એવા યુઝર્સ જે ઓફિસના કામ માટે દરરોજ બ્રાઉઝર પર WhatsAppનો ઉપયોગ કરે છે.
આ સિવાય બીજું શું નવું છે?
વોટ્સએપે બીજું એક નવું ફીચર 'એડવાન્સ્ડ ચેટ પ્રાઇવસી' પણ રજૂ કરી છે. આ ફીચર હેઠળ યુઝર્સને હવે ફોનમાં ચેટ્સ એક્સપોર્ટ કરવા અથવા ફોનમાં મીડિયાને ઓટો-ડાઉનલોડ કરવાથી અટકાવી શકાશે. ઉપરાંત હવે ચેટમાં મેટા AI નો ઉલ્લેખ કરવો કે તેને પ્રશ્નો પૂછવા શક્ય બનશે નહીં.
ટોપ સ્ટોરી
ટ્રેન્ડિંગ સમાચાર
