વડોદરા: ગન સાથે સેલ્ફી લેવી યુવકને પડી ભારે, ભૂલથી ગોળી છૂટતા મોત

વડોદરા: શહેરના આજવા રોડ કમલાનગર પાસે આવેલી સમદ્ધિ સોસાયટીમાં પરિવારની ગેરહાજરીમાં પિતાની ગનથી રમત રમવી ભારે પડી હતી. તેના હાથમાં રહેલી ગનનું સ્ટેચર દબાઈ જતાં તેના પેટમાં ગોળી વાગી હતી. જેના લીધે તેને તાત્કાલિક એક ખાનગી દવાખાને દાખલ કરવામાં આવ્યો હતો. પરંતુ ત્યાં ટૂંકી સારવાર બાદ મોત નીપજ્યું હતું. પોલીસને મળેલી માહિતી પ્રમાણે યુવાન પોતાના પિતાની ગન સાથે સેલ્ફી લઈ રહ્યો હતો. ત્યારે આ ઘટના બની હતી.

બનાવ અંગે બાપોદ પોલીસને જાણ થતાં પો.ઇ. પરમાર સહિત સ્ટાફ ઘટના સ્થળે દોડી ગયો હતો. બનાવને પગલે નિવૃત આર્મીમેનનો પરિવાર શોકાતૂર બન્યો હતો.