અમરેલીઃ કેન્દ્રીયમંત્રી સ્મૃતિ ઇરાની ભાષણ આપવા ઊભા થતાં જ ફેંકાઇ બંગડી, શું બોલ્યા ઇરાની?

અમરેલી: ગઈ કાલે અમરેલીમાં કેન્દ્રીય મંત્રી સ્મૃતિ ઇરાનીની હાજરીમાં સૌનો સાથ, સૌનો વિકાસ કાર્યક્રમ યોજાયો હતો. કોંગ્રેસના પૂર્વ સાંસદ અને વર્તમાન ધારાસભ્યની આગેવાનીમાં કોંગી કાર્યકરોએ કાળા વાવટા દર્શાવી વિરોધનો પ્રયાસ કરતા 30 કાર્યકરોની અટકાયત કરાઇ હતી. તો બીજી તરફ ચાલુ કાર્યક્રમે એક ખેડૂતે સ્ટેજ તરફ બંગડીઓ ફેંકી હતી અને ખેડૂતોના દેવા માફી સહિતની માંગ અંગે સુત્રોચ્ચાર કરી રૂપાણી હાય હાયના નારા લગાવ્યા હતાં. જેને પગલે થોડીવાર માટે કાર્યક્રમમાં હો હા મચી હતી. ગઈ હતી જોકે, સ્મૃતિ ઇરાનીઆ ચૂંટણી આવે એટલે આવું થવાનું કહીને પોલીસને તે યુવકને બેસવા દેવાનું જણાવ્યું હતું. ભંડારીયાના કેતન કસવાળા નામના યુવા ખેડૂતે આ વિરોધ પ્રદર્શન કર્યુ હતું.