Ahmedabad :વાસણા વોર્ડના અપક્ષ ઉમેદવારનું ચૂંટણી ચિહ્ન ડીસ એન્ટેના છે

સ્થાનિક સ્વરાજની ચૂંટણીના પ્રચંડ પ્રચારના પડઘમ વાગી ચૂક્યા છે ત્યારે અમદાવાદના 31 વોર્ડ વાસણાના અપક્ષના ઉમેદવાર પરાગ પટેલે પોતાનું ચૂંટણી ચિહ્ન ડિશ એન્ટિના રાખ્યું છે. આ વર્ષે પરાગ પટેલે પોતાનું ઉમેદવારી અપક્ષમાંથી નોધાવી છે. સતત વાસણા વિસ્તારની સમસ્યાઓનું નિરાકરણ લાવતા તેમજ સતત જનતાની વચ્ચે રહેતા પરાગ પટેલનું માનવુ છે કે કોઈ પક્ષ તરફથી લડવુ તે જનતાના વિશ્વાસનો અન્યાય કહેવાય માટે જ તેમણે અપક્ષમાંથી ઉમેદવારી નોધાવી છે. આ અપક્ષ ઉમેદવારનું માનવુ છે કે તેઓ જીતશે તો દંડ અને કરવેરામાં ઘટાડો કરશે.