Rajkot Heavy Rain | ધોરાજીમાં ફાટ્યું આભ, ત્રણ કલાકમાં 14 ઈંચ ખાબકતા આ ગામ સંપર્કવિહોણું

Rajkot Heavy Rain | ધોરાજીમાં ફાટ્યું આભ, ત્રણ કલાકમાં 14 ઈંચ ખાબકતા આ ગામ સંપર્કવિહોણું

રાજકોટના ધોરાજી તાલુકામાં આભ ફાટ્યું હતું. ધોરાજીના છાડવાવદરમાં 14 ઈંચ વરસાદ વરસ્યો હતો. ત્રણ કલાકમાં 14 ઈંચ વરસાદથી છાડવાવદર ગામ સંપર્ક વિહોણું થયું હતું. ભોલગામડા ગામમાં પણ જળબંબાકારની સ્થિતિ સર્જાઇ હતી.  

રાજકોટ તથા ઉપરવાસમાં વરસેલા ભારે વરસાદના કારણે ઉપલેટા તાલુકાનો વેણુ- 2 ડેમ સંપૂર્ણ સપાટી નજીક પહોંચ્યો છે.  કુલ 54.16 ફૂટની જળસપાટી ધરાવતા વેણુ- 2 ડેમની જળસપાટી 50.85 ફૂટ પર પહોંચી છે. હાલ ડેમમાં ઉપરવાસમાંથી 12 હજાર 607 ક્યુસેક પાણીની આવક થઈ રહી છે. હાલ ડેમનું રૂલ લેવલ જાળવવા આવક જેટલું જ પાણી છોડવામાં આવી રહ્યું છે. ડેમ 90 ટકાથી વધુ ભરાઈ જતા પ્રશાસને સલામતીના ભાગરૂપે ગધેથડ, વરજાંગજાળિયા,નાગવદર, મેખા ટિંબડી, નીલાખા સહિતના નીચાણવાળા ગામને એલર્ટ કરાયા છે.  પ્રશાસને નદીના પટ વિસ્તારમાં લોકોને અવરજવર ન કરવા સૂચના આપી છે.