US election 2024: જો બાઇડન નહીં લડે ચૂંટણી , કમલા હેરિસ હશે અમેરિકાના રાષ્ટ્રપતિ પદની ઉમેદવાર?

US election 2024: અમેરિકાના રાષ્ટ્રપતિ પદની ચૂંટણીમાં જો બાઇડને પોતાની ઉમેદવારી પાછી ખેંચી લીધી છે. તેણે આ અંગે પત્ર લખીને ચૂંટણી નહીં લડવાની જાહેરાત કરી છે. નોંધનીય છે કે ડેમોક્રેટ પાર્ટીના વરિષ્ઠ નેતાઓ અને તેમના સમર્થકો બાઇડનને તેમનું નામ પાછું ખેંચવાની અપીલ કરી રહ્યા હતા. બાઇડન પછી હવે સૌથી મોટો પ્રશ્ન એ છે કે તેમની જગ્યાએ ડેમોક્રેટિક પક્ષમાંથી ઉમેદવાર કોણ હશે?

જો બાઇડન 81 વર્ષના છે અને દાવો કરવામાં આવે છે કે તેમને ભૂલવાની સમસ્યા છે. તાજેતરના કાર્યક્રમોમાં તેઓ એટલા એક્ટિવ દેખાતા ન હતા અને આ જ કારણ હતું કે તેમના સમર્થકો તેમની ઉમેદવારીથી નિરાશ થયા હતા. પાર્ટીની અંદર અને પાર્ટીના સમર્થકો તરફથી એવું પણ કહેવામાં આવી રહ્યું હતું કે બાઇડનના સ્થાને કમલા હેરિસને રાષ્ટ્રપતિ પદના ઉમેદવાર બનાવવામાં આવી શકે છે.