ગુજરાતમાં પશુઓની વિનામૂલ્યે સારવાર કરાવવા પશુપાલકો-ખેડૂતો જાણો આ નંબર, ઘરે બેઠા મળશે સારવાર

હાલ પશુઓની સારવાર માટે રાજ્યભરમાં 460 મોબાઈલ પશુ દવાખાના કાર્યરત છે. દર 10 ગામે એક મોબાઈલ પશુ દવાખાનું કાર્યરત કરવાનું સરકારનું લક્ષ્ય છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે.

ગામડામાં રહેતા ખેડૂતો ખેતીની સાથે પશુપાલન પણ કરતાં હોય છે. દૂધાળા ઢોર દ્વારા તેઓ વધારાની આજીવિકા રળતા હોય છે. પરંતુ ઘણી વખત તેમનું પ્રાણી બીમાર પડે તો સમયસર સારવાર મળતી હોતી નથી. ઉપરાંત ઘણી વખત પશુ દવાખાનું દૂર હોવાથી માલિકને લઈ જવું પણ પરવડતું નથી હોતું. ગુજરાતમાં પશુઓની સારવાર માટે સરકારે મોટું પગલું લીધું છે.

હાલ પશુઓની સારવાર માટે રાજ્યભરમાં 460 મોબાઈલ પશુ દવાખાના કાર્યરત છે. દર 10 ગામે એક મોબાઈલ પશુ દવાખાનું કાર્યરત કરવાનું સરકારનું લક્ષ્ય છે. ગુજરાતમાં પશુ એમ્બ્યુલન્સનો નંબર 1962 છે.  પશુઓ માટે પશુઆરોગ્ય મેળાઓનું આયોજન કરી પશુપાલકોને ગામબેઠા તેમના પશુઓને મફત સારવાર પણ આપવામાં આવે છે.

કરુણા એનિમલ એમ્બ્યુલન્સ 1962 દ્વારા રોડ પર કે અન્ય જગ્યાએ અકસ્માતથી ઇજા પામેલ પશુ પક્ષીઓની સારવાર, ઇમરજંસી સારવાર તથા અનાથ અને નિ:સહાય પશુ પક્ષીઓ માટે પશુ ચિકિત્સા સેવાઓ આ એમ્બ્યુલંસ થકી ઉપલબ્ધ કરાવવામાં આવે છે.  અત્યાર સુધીમાં 4500થી વધુ ગામોને આવરી લેવામાં આવ્યા છે. GPS થી સજ્જ વાહનોનું રિયલ ટાઈમ મોનિટરિંગ સીએમ ડેશબોર્ડ દ્વારા થાય છે.

🚑 પશુઓની સારવાર માટે રાજ્યભરમાં 460 મોબાઈલ પશુ દવાખાના કાર્યરત

🚑 દર 10 ગામે એક મોબાઈલ પશુ દવાખાનું કાર્યરત કરવાનું લક્ષ્ય pic.twitter.com/vpbCoftkph

— Raghavji Patel (@RaghavjiPatel) March 14, 2022

આ પણ વાંચોઃ