માત્ર ૫ હજારના ડાઉન પેમેન્ટમાં Honda Shine ખરીદશો તો દર મહિને કેટલો હપ્તો આવશે? જાણો ગણતરી
દિલ્હીમાં ઓન-રોડ કિંમત લગભગ ૧ લાખ, ૯૫,૫૦૦ રૂપિયાની લોન પર જાણો EMI પ્લાન.
Honda Shine 125 down payment: ભારતીય બજારમાં હોન્ડા શાઈન ૧૨૫ એક લોકપ્રિય મોટરસાઇકલ છે, જે તેના સારા માઇલેજ માટે જાણીતી છે. આ બાઇકની કિંમત લગભગ ૧ લાખ રૂપિયાની આસપાસ છે. જો તમે આ બાઇકને ઓછી રકમ ચૂકવીને ખરીદવા માંગો છો અને બાકીની રકમ હપ્તામાં ભરવા માંગો છો, તો અહીં તેના ફાઇનાન્સ પ્લાન વિશે માહિતી આપવામાં આવી છે.
દિલ્હીમાં હોન્ડા શાઈનના ડ્રમ વેરિઅન્ટની ઓન-રોડ કિંમત લગભગ ૧ લાખ રૂપિયા છે. જો તમે માત્ર ૫ હજાર રૂપિયાનું ડાઉન પેમેન્ટ કરો છો, તો તમને આ બાઇક ખરીદવા માટે ૯૫,૫૦૦ રૂપિયાની લોન મળી શકે છે. આ લોન પર લાગતા વ્યાજના દર અનુસાર તમારે દર મહિને એક નિશ્ચિત રકમ EMI તરીકે ચૂકવવાની રહેશે.
જાણો કેટલો હશે દર મહિનાનો હપ્તો (EMI):
- ૧ વર્ષ માટે લોન: જો તમે હોન્ડા શાઈન ખરીદવા માટે ૧ વર્ષ માટે લોન લો છો, તો ૯ ટકાના વ્યાજ દરે તમારે દર મહિને ૮,૭૦૦ રૂપિયાનો હપ્તો ભરવો પડશે.
- ૨ વર્ષ માટે લોન: જો તમે આ બાઇક ખરીદવા માટે ૨ વર્ષ માટે લોન લો છો અને બેંક ૯ ટકા વ્યાજ વસૂલ કરે છે, તો તમારે દર મહિને ૪,૭૦૦ રૂપિયાની EMI ચૂકવવી પડશે.
- ૩ વર્ષ માટે લોન: જો તમે શાઈન ખરીદવા માટે ૩ વર્ષ માટે લોન લો છો, તો તમારે ૯ ટકાના વ્યાજ દરે ૩૬ મહિના સુધી દર મહિને ૩,૪૦૦ રૂપિયાની EMI ભરવાની રહેશે.
- ૪ વર્ષ માટે લોન: જો તમે હોન્ડા શાઈન ખરીદવા માટે ૪ વર્ષ માટે લોન લો છો, તો ૯ ટકાના વ્યાજ દરે તમારી EMI દર મહિને ૨,૭૦૦ રૂપિયા થશે.
મહત્વપૂર્ણ બાબત એ છે કે આ બાઇક માટે લોન લેતા પહેલા તમારે તમામ દસ્તાવેજો ધ્યાનથી વાંચવા જરૂરી છે. બેંકની વિવિધ નીતિઓ અનુસાર આ આંકડાઓમાં થોડો તફાવત જોવા મળી શકે છે.
હોન્ડા શાઈન ફીચર્સ, જાણો શું છે ખાસ
હોન્ડાએ પોતાની લોકપ્રિય મોટરસાઇકલ શાઈનના નવા ૨૦૨૫ મોડેલમાં ઘણા આધુનિક ફીચર્સ ઉમેર્યા છે. કંપનીએ ૨૦૨૫ હોન્ડા શાઈન ૧૨૫માં સંપૂર્ણપણે ડિજિટલ ઇન્સ્ટ્રુમેન્ટ ક્લસ્ટર આપ્યું છે, જે રાઈડરને અનેક ઉપયોગી માહિતી પૂરી પાડશે. આ ઉપરાંત, તેમાં ચાર્જિંગ પોર્ટની સુવિધા પણ આપવામાં આવી છે.
નવા ડિજિટલ ઇન્સ્ટ્રુમેન્ટ ક્લસ્ટરમાં રાઈડરને રીયલ ટાઈમ માઈલેજ એટલે કે તત્કાલીન સરેરાશ, બાઇકની રેન્જ એટલે કે કેટલા કિલોમીટર સુધી ચાલી શકશે, પેટ્રોલ ખાલી થવામાં કેટલું અંતર બાકી છે તેની માહિતી, સર્વિસ ક્યારે કરાવવાની છે તેનું સૂચક, કયો ગિયર ચાલી રહ્યો છે તેનું સૂચક અને ઈકો મોડમાં ચલાવવાની માહિતી મળશે. આ તમામ માહિતી ડિજિટલ સ્ક્રીન પર ઉપલબ્ધ થશે, જે રાઈડિંગનો અનુભવ વધુ સારો બનાવશે.
આ ઉપરાંત, ૨૦૨૫ હોન્ડા શાઈનમાં ટાઈપ સી યુએસબી ચાર્જિંગ પોર્ટ પણ આપવામાં આવ્યો છે. આ ફીચરની મદદથી રાઈડર પોતાના મોબાઈલ ફોન અથવા અન્ય ડિવાઈસને સફરમાં સરળતાથી ચાર્જ કરી શકશે, જે આજની જરૂરિયાતને ધ્યાનમાં રાખીને ખૂબ જ ઉપયોગી સાબિત થશે.
એન્જિનની વાત કરીએ તો, ૨૦૨૫ હોન્ડા શાઈન ૧૨૫માં કંપનીએ ૧૨૩.૯૪ સીસી ક્ષમતાનું સિંગલ સિલિન્ડર PGM-FI એન્જિન આપ્યું છે. આ એન્જિન ૭.૯૩ કિલોવોટ પાવર અને ૧૧ ન્યૂટન મીટર ટોર્ક ઉત્પન્ન કરે છે, જે શહેરમાં અને હાઇવે પર રાઈડિંગ માટે પૂરતું છે. વધુમાં, આ બાઇકમાં ઇડલ સ્ટોપ સિસ્ટમ પણ આપવામાં આવી છે. આ સિસ્ટમ જ્યારે બાઇક થોડા સમય માટે ઊભું રહે છે ત્યારે એન્જિનને આપોઆપ બંધ કરી દે છે અને ક્લચ દબાવતાની સાથે જ ફરી ચાલુ થઈ જાય છે. આ ફીચર બાઇકની માઇલેજ વધારવામાં મદદ કરે છે.
ટોપ સ્ટોરી
ટ્રેન્ડિંગ સમાચાર
