₹૩૦ હજારના પગાર સાથે પણ ખરીદી શકાશે આ સસ્તી ઇલેક્ટ્રિક કાર, જાણો સંપૂર્ણ EMI ગણતરી
MG Comet EV ની શરૂઆતી એક્સ-શોરૂમ કિંમત ₹૭.૩૫ લાખ; શહેરની મુસાફરી માટે શ્રેષ્ઠ વિકલ્પ, ૨૩૦ KM રેન્જ અને આધુનિક સેફ્ટી ફીચર્સ; ₹૧ લાખ ડાઉન પેમેન્ટ અને ૯% વ્યાજ દર પર ૫ વર્ષ માટે લોન લો તો ₹૧૪,૦૦૦ ની EMI.
MG Comet EV EMI options: ઇલેક્ટ્રિક વાહનો (EVs) ની વધતી લોકપ્રિયતા વચ્ચે, જો તમે પરવડે તેવી કિંમત ધરાવતી અને શહેરમાં દૈનિક મુસાફરી માટે સ્માર્ટ એવી ઇલેક્ટ્રિક કાર શોધી રહ્યા છો, તો MG Comet EV તમારા માટે એક ઉત્તમ વિકલ્પ સાબિત થઈ શકે છે. ખાસ કરીને મર્યાદિત માસિક આવક ધરાવતા લોકો માટે પણ આ કાર ખરીદવી હવે શક્ય બન્યું છે.
MG Comet EV હાલમાં ભારતીય બજારમાં ઉપલબ્ધ સૌથી સસ્તી ઇલેક્ટ્રિક કાર પૈકીની એક છે. તેની શરૂઆતી એક્સ-શોરૂમ કિંમત ₹૭.૩૫ લાખ રૂપિયાથી શરૂ થાય છે અને ટોપ મોડેલ માટે ₹૯.૬૫ લાખ સુધી જાય છે. દિલ્હી જેવા શહેરમાં એક્ઝિક્યુટિવ વેરિઅન્ટની ઓન-રોડ કિંમત લગભગ ₹૭.૭૫ લાખ રૂપિયા થાય છે, જેમાં વીમો, RTO અને અન્ય જરૂરી ચાર્જનો સમાવેશ થાય છે. આ કાર શહેરના ઉપયોગ માટે તેની કોમ્પેક્ટ સાઈઝ અને સ્માર્ટ ફીચર્સને કારણે ખૂબ અનુકૂળ છે.
₹૩૦ હજારના પગાર સાથે ખરીદી શક્ય? EMI ગણતરી સમજો
જો તમારી માસિક આવક આશરે ₹૩૦,૦૦૦ છે અને તમે MG Comet EV ના બેઝ વેરિઅન્ટને ખરીદવા માંગો છો, તો ₹૧ લાખનું ડાઉન-પેમેન્ટ ચૂકવીને આ કારને ફાઇનાન્સ કરવાનું શક્ય છે. EMI ગણતરીના અંદાજ મુજબ, બાકીની રકમ એટલે કે આશરે ₹૬.૭૫ લાખ રૂપિયાની લોન માટે, જો બેંક ૫ વર્ષ (૬૦ મહિના) ના સમયગાળા માટે ૯% ના વાર્ષિક વ્યાજ દરે લોન ઓફર કરે છે, તો તમારે દર મહિને લગભગ ₹૧૪,૦૦૦ ની અંદાજિત EMI ચૂકવવી પડશે. આ ગણતરી મુજબ, ૫ વર્ષના સમયગાળા દરમિયાન વ્યાજ તરીકે આશરે ₹૧.૬૫ લાખ રૂપિયા વધારાના ચૂકવવા પડશે. જોકે, એ નોંધવું જરૂરી છે કે આ ગણતરી એક અંદાજ છે અને બેંકના નિયમો, તમારા CIBIL સ્કોર અને ડીલરશીપની ફાઇનાન્સિંગ પોલિસીના આધારે અંતિમ EMI રકમમાં થોડો ફેરફાર થઈ શકે છે.
બેટરી, પર્ફોર્મન્સ અને રેન્જ
MG Comet EV માં ૧૭.૩ kWh ની લિથિયમ-આયન બેટરી આપવામાં આવી છે. આ કાર સિંગલ મોટર સેટઅપ સાથે ૪૧.૪૨ bhp પાવર અને ૧૧૦ Nm ટોર્ક જનરેટ કરે છે, જે શહેરની ડ્રાઇવિંગ માટે પૂરતું છે. ARAI દ્વારા પ્રમાણિત, આ કાર એક વાર ફુલ ચાર્જ થવા પર ૨૩૦ કિલોમીટર સુધીની રેન્જ આપી શકે છે. કારમાં ત્રણ ડ્રાઇવિંગ મોડ્સ ઉપલબ્ધ છે - ઇકો, નોર્મલ અને સ્પોર્ટ, જે ડ્રાઇવિંગની જરૂરિયાત મુજબ પર્ફોર્મન્સને કસ્ટમાઇઝ કરવાની સુવિધા આપે છે. તેને ૩.૩ kW AC ચાર્જરનો ઉપયોગ કરીને ૦ થી ૧૦૦% સુધી ચાર્જ કરવામાં લગભગ ૭ કલાકનો સમય લાગે છે.
સલામતી સુવિધાઓ
સલામતીના મોરચે પણ MG Comet EV માં અનેક આધુનિક ફીચર્સ સામેલ છે. તેમાં ડ્યુઅલ ફ્રન્ટ એરબેગ્સ, ABS (એન્ટિ-લૉક બ્રેકિંગ સિસ્ટમ) + EBD (ઇલેક્ટ્રોનિક બ્રેકફોર્સ ડિસ્ટ્રિબ્યુશન), ઇલેક્ટ્રોનિક સ્ટેબિલિટી કંટ્રોલ (ESC), હિલ હોલ્ડ આસિસ્ટ, ટાયર પ્રેશર મોનિટરિંગ સિસ્ટમ (TPMS) અને રિવર્સ પાર્કિંગ કેમેરા જેવી સુવિધાઓ મળે છે, જે ડ્રાઇવિંગને વધુ સુરક્ષિત બનાવે છે.
ટોપ સ્ટોરી
ટ્રેન્ડિંગ સમાચાર
