BSF Recruitment 2022: constable ના પદ પર ભરતી, 69 હજાર સુધી મળશે પગાર

બોર્ડર સિક્યુરિટી ફોર્સ (BSF) એ કોન્સ્ટેબલ (ટ્રેડસમેન) ની 2000 થી વધુ જગ્યાઓ પર ભરતી માટે પાત્ર અને રસ ધરાવતા ઉમેદવારો પાસેથી અરજીઓ મંગાવી છે.

BSF Recruitment 2022: બોર્ડર સિક્યુરિટી ફોર્સ (BSF) એ કોન્સ્ટેબલ (ટ્રેડસમેન) ની 2000 થી વધુ જગ્યાઓ પર ભરતી માટે પાત્ર અને રસ ધરાવતા ઉમેદવારો પાસેથી અરજીઓ મંગાવી છે. અરજી કરવા ઇચ્છુક ઉમેદવારો BSFની સત્તાવાર વેબસાઇટ rectt.bsf.gov.in દ્વારા 1 માર્ચ 2022 સુધીમાં અરજી કરી શકે છે.

આ ભરતી પ્રક્રિયા દ્વારા કુલ 2788 ખાલી જગ્યાઓ પર ભરતી કરવામાં આવશે. જેમાંથી 2651 જગ્યાઓ પુરૂષ ઉમેદવારો અને 137 મહિલા ઉમેદવારો માટે છે.

કોન્સ્ટેબલની જગ્યાઓ માટે અરજી કરવા માટે ઉમેદવારની લઘુત્તમ ઉંમર 18 વર્ષ અને મહત્તમ ઉંમર 23 વર્ષ છે. SC અને ST ઉમેદવારોને વય મર્યાદામાં 5 વર્ષની છૂટ આપવામાં આવશે. OBC કેટેગરીના ઉમેદવારોને વય મર્યાદામાં 3 વર્ષની છૂટ આપવામાં આવશે. વય મર્યાદા વિશે સંપૂર્ણ માહિતી માટે ઉમેદવારો સત્તાવાર સૂચના જોઇ શકે છે.

આ પોસ્ટ્સ માટે અરજી કરવા માટે ઉમેદવારે માન્ય યુનિવર્સિટી અથવા બોર્ડમાંથી મેટ્રિક અથવા તેની સમકક્ષ અભ્યાસ કરેલો હોવો જોઈએ અને સંબંધિત વેપારમાં બે વર્ષનો કાર્ય અનુભવ અને અન્ય નિર્ધારિત લાયકાત હોવી જોઈએ.

બિન અનામત, EWS અને OBC કેટેગરીના ઉમેદવારોએ 100 રૂપિયાની અરજી ફી ચૂકવવી પડશે. મહિલા ઉમેદવારો અને SC, ST, BSF સેવા આપતા કર્મચારીઓ અને ભૂતપૂર્વ સૈનિક ઉમેદવારોને ફીની ચુકવણીમાંથી મુક્તિ આપવામાં આવી છે. આ પદો પર પસંદગી પામેલા ઉમેદવારોને રૂ. 21,700 થી રૂ. 69,100 સુધીનો પગાર ધોરણ આપવામાં આવશે. કોન્સ્ટેબલની જગ્યાઓ માટે અરજી કરવા માટે ઉમેદવારો બોર્ડર સિક્યુરિટી ફોર્સ (BSF) ની સત્તાવાર વેબસાઇટ rectt.bsf.gov.in પર જઈને ઓનલાઈન અરજી કરી શકે છે. આ જગ્યાઓ માટે અરજી કરવાની છેલ્લી તારીખ માર્ચ 1, 2022 છે.