બોલિવૂડમાં #MeTooની શરૂઆત કરનાર આ એક્ટ્રેસ છોડી રહી છે દેશ, જાણો શું કહ્યું....

તનુશ્રીએ જણાવ્યું કે મને આશા છે કે એક દિવસ તેને ન્યાય જરૂર મળશે. હું વગર કોઇ કાર્યવાહી અને ન્યાય વગર દસ વર્ષ રહી છું. હું ભારતમાં રહું કે ના રહું તેનાથી કાયદાની પ્રક્રિયાને અસર નહીં થાય. મારા રહેવાથી જો ફરક પડતો હોય તો કાયદાની પ્રક્રિયાનો કોઇ મતલબ નથી.

#MeToo કેમ્પઇન અંગે વાત કરતાં તનુશ્રીએ જણાવ્યું કે હું એ નથી વિચારતી કે મુદ્દો ચર્ચામાં છે કે હવે ઠંડો પડી ગયો છે. આવી વસ્તુઓ એક ક્રાંતિ જેવી હોય છે. આ મુવમેન્ટની અસર એ થઇ કે ખરાબ વર્તન કરનારા લોકો ચેતી ગયા છે, તેઓ સમજી ગયા છે કે કોઇપણ ખરાબ કામ કર્યા બાદ તેઓ બચી નહીં શકે. એ સમય ખરેખર હેરાન કરનારો હતો જ્યારે મહિલાઓ ખુલીને સામે આવી અને પોતાના અનુભવો જણાવી રહી હતી.

તનુશ્રીએ મિડ ડેને આપેલા ઇન્ટરવ્યૂમાં એક્ટ્રેસે ન્યૂજર્સી જવાના પ્લાનિંગ અંગે જણાવ્યું છે. તેણીએ જણાવ્યું કે મારું ભવિષ્ય ત્યાં છે. હું નવા વર્ષની શરૂઆતમાં પરત જતી રહીશ. જ્યારે હું મુંબઇ આવી હતી તો વિચાર્યું હતું કે છ મહિના બાદ પરત જતી રહીશ પરંતુ પાંચ મહિના થઇ ગયા છે.

નવી દિલ્હીઃ બોલિવૂડમાં #MeTooની શરૂઆત કરનાર અભિનેત્રી તનુશ્રી દત્તા ફરીથી વિદેશ જવાની તૈયારી કરી રહી છે. જણાવીએ કે તનુશ્રી વિતેલા ઘણાં મહિનાથી ભારતમાં છે. તેણે નાના પાટેકર પર જાતીય શોષણનો આરોપ લગાવ્યો હતો. ત્યાર બાદથી જ એક્ટ્રેસીસ અને ફિલ્મી જત સાથે જોડાયેલ લોકોએ #MeToo દ્વારા પોતાની કહાની કહી હતી.