ગ્રેમીમાં પ્રિયંકાએ પહેરેલા ડ્રેસની ડિઝાઈનરે કરી ટીકા, કહ્યું- કપડા પહેરવાની ઉંમર હોય છે....

વેંડલ રોડ્રિક્સનો ચારેબાજુથી વિરોધ બાદ પોતાની પોસ્ટ ડિલીટ કરવી પડી છે અને ખુદના બચાવમાં ઉતરવું પડ્યું છે.

મુંબઈઃ હાલમાં જ પ્રિયંકા ચોપરા ગ્રેમી એવોર્ડ્સમાં સામેલ થઈ હતી. આ એવોર્ડમાં નાઈટમાં તે જે ડ્રેસમાં પહોંચી હતી તે સોશિયલ મીડિયામાં ખૂબ ચર્ચામાં રહ્યો છે. ઘણાં લોકો પ્રિયંકાના લુકને ગ્લેમરસ ગણાવી ચિયર્ય કરી રહ્યા છે, તો કેટલાક લોકો એક્ટર્સેની મજાક પણ ઉડાવી રહ્યા છે. હવે આ ડ્રેસને લઈને જાણીતા ડિઝાઇનર વેંડલ રોડ્રિક્સ પણ પ્રિયંકાની મજાક ઉડાવતી પોસ્ટ શેર કરી હતી. તેમણે પ્રિયંકાના ડીપ નેકલાઈન ડ્રેસને ટાર્ગેટ કર્યો હતો. આ બાદ એક્ટ્રેસ સુચિત્રા કૃષ્મમૂર્તિએ તેને ખખડાવી નાંખ્યો હતો. ત્યાર બાદ ઘણાં લોકો વેંડલ પર બોડી શેમિંગનો આરોપ પણ લગાવી રહ્યા છે. હવે વેંડલ રોડ્રિક્સનો ચારેબાજુથી વિરોધ બાદ પોતાની પોસ્ટ ડિલીટ કરવી પડી છે અને ખુદના બચાવમાં ઉતરવું પડ્યું છે. તેણે નવી પોસ્ટ શેર કરતાં સ્પષ્ટ કરી છે, તેણે પ્રિયંકાની બોડીની મજાક નથી ઉડાવી પરંતુ માત્ર ડ્રેસ પર સવાલ ઉઠાવ્યા હતા. ઈન્સ્ટાગ્રામ પર પ્રિયંકા અને નિક જોનસની ગ્રેમી અવોર્ડ્સની તસવીર શેર કરતાં વેંડલે લખ્યું, “જે લોકોએ બોડી શેમિંગને લઈને મને ખરી-ખોટી સંભળાવી હતી તેમના માટે અહીં જવાબ છે. શું મેં પ્રિયંકાના શરીર પર કોઈ કોમેન્ટ કરી? ના. ઘણી મહિલાઓએ કરી છે. મેં માત્ર એટલું જ કહ્યું કે, જે ડ્રેસ હતો તે પ્રિયંકા માટે યોગ્ય નહોતો. આ પ્રકારની વાતો બોલતાં અને ફેલાવતા પહેલા આ પોસ્ટ બરાબર વાંચી લો.”

View this post on Instagram

 

For all those that said some really nasty things about me body shaming, here is my retort. Did I say anything about her body? No. Many women did. I just said the dress was wrong for her despite it being couture. It was more dress shaming than body shaming. Stop this sermon from high and read the post before you speak. There is an age to wear some clothes. Men with huge bellies should not wear tight T shirts. Same with women who wear minis past a certain age. If you don’t have it, don’t flaunt it. I stopped wearing Bermudas as I have a few varicose veins. Don’t make every issue body shaming, sexist or whatever. Or you can be false and fake resorting to being politically correct and not be truthful. If you don’t like my posts unfriend me.

A post shared by Wendell Rodricks (@wendellrodricks) on Jan 28, 2020 at 12:58am PST

વેંડલે આગળ લખ્યું, “કેટલાક કપડાં પહેરવાની ઉંમર હોય છે. મોટી ફાંદવાળા પુરુષોએ ટાઈટ ટી-શર્ટ ના પહેરવું જોઈએ. આ જ વાત મહિલાઓ માટે પણ લાગુ પડે છે જે એક ઉંમર પછી મિની સ્કર્ટ કે ડ્રેસ પહેરવા માંડે છે. જો તમારી પાસે ના હોય તો તમે દેખાડો ના કરો. મેં બરમુડા પહેરાવાના છોડી દીધા કારણકે મને વેરકોસ વેન્સની તકલીફ છે. દરેક મુદ્દાની જાતિય કે બોડી શેમિંગ સાથે જોડાવાની જરૂર નથી. જો તમને મારી પોસ્ટ ના ગમી હોય તો તમને મને અનફ્રેન્ડ કરી શકો છો.”