તણાવમાં શરીરના અંગો એકબીજા સાથે કરે છે સંવાદ, કસરત દરમિયાન આપણું હૃદય કરે છે આ કામ, સ્ટડીમાં ખુલાસો
એક નવા અભ્યાસમાં જાણવા મળ્યું છે કે કસરત અથવા ઊંઘનો અભાવ જેવા શારીરિક તણાવ દરમિયાન શરીરના વિવિધ ભાગો એકબીજા સાથે કેવી રીતે વાતચીત કરે છે
એક નવા અભ્યાસમાં જાણવા મળ્યું છે કે કસરત અથવા ઊંઘનો અભાવ જેવા શારીરિક તણાવ દરમિયાન શરીરના વિવિધ ભાગો એકબીજા સાથે કેવી રીતે વાતચીત કરે છે. સંશોધકોનું કહેવુ છે કે આનાથી કોઇ બીમારી અગાઉ નિદાન કરવામાં મદદ મળી શકે છે.
આ અભ્યાસ જર્નલ ઓફ ફિઝિયોલોજીમાં પ્રકાશિત થયો
આ અભ્યાસ જર્નલ ઓફ ફિઝિયોલોજીમાં પ્રકાશિત થયો છે. પોર્ટ્સમાઉથ યુનિવર્સિટી અને યુનિવર્સિટી કોલેજ લંડનના સંશોધકોએ જણાવ્યું હતું કે આ અભ્યાસ હૃદય અથવા શ્વાસોચ્છવાસના દર જેવા અલગ માપન પર ધ્યાન કેન્દ્રિત કરવાને બદલે શરીર ક્રિયા પ્રત્યે "આખા શરીર" અભિગમને પ્રોત્સાહન આપે છે.
સંશોધકોએ જણાવ્યું હતું કે 'ટ્રાન્સફર એન્ટ્રોપી' (શરીરના સંકેતોનું નિરીક્ષણ કરવાની પદ્ધતિ) નો ઉપયોગ કરીને નકશાઓનું નેટવર્ક બનાવવામાં આવ્યું હતું, જે દર્શાવે છે કે શરીરના કયા ભાગો તણાવની સ્થિતિમાં 'માહિતી કેન્દ્રો' તરીકે કાર્ય કરે છે.
હૃદય શરીરને કસરત માટે અનુકૂળ કરવામાં અગ્રણી ભૂમિકા ભજવે છે
ઉદાહરણ તરીકે સંશોધકોએ કહ્યું કે કસરત દરમિયાન હૃદય સ્નાયુઓમાં લોહી પ્રવાહિત કરવા માટે સખત મહેનત કરે છે. તે સમયે તે અન્ય અંગોમાંથી સૌથી વધુ ઇનપુટ મેળવે છે. તેથી તે શરીરને કસરત માટે અનુકૂળ કરવામાં અગ્રણી ભૂમિકા ભજવે છે.
આપણું શરીર એક સમયે ફક્ત એક જ વસ્તુ પર પ્રતિક્રિયા આપતું નથી
યુનિવર્સિટી કોલેજ લંડનમાં એસોસિયેટ પ્રોફેસર અને નેટવર્ક ફિઝિયોલોજી લેબના વડા અલીરેઝા મનીએ જણાવ્યું હતું કે આપણું શરીર એક સમયે ફક્ત એક જ વસ્તુ પર પ્રતિક્રિયા આપતું નથી. તે સંકલિત રીતે અને બુદ્ધિપૂર્વક પ્રતિક્રિયા આપી રહ્યું છે. આનો નકશો બનાવીને આપણે શીખી રહ્યા છીએ કે સામાન્ય પેટર્ન કેવી દેખાય છે, જેથી આપણે શોધી શકીએ કે ક્યારે વસ્તુઓ ખોટી થઈ રહી છે.
અખરોટ કયા અંગ માટે સારું છે?
અખરોટમાં ઓમેગા-3 ફેટી એસિડ જોવા મળે છે જે હૃદય રોગના જોખમને ઘટાડે છે. અખરોટમાં જોવા મળતા એન્ટીઑકિસડન્ટ્સ અને ઓમેગા ફેટી એસિડ મગજ માટે પણ અદ્ભુત કામ કરે છે. ફાઇબરથી ભરપૂર હોવાને કારણે અખરોટ પેટ માટે પણ ફાયદાકારક માનવામાં આવે છે. તેમાં કેલ્શિયમ અને મેગ્નેશિયમ હોય છે જે હાડકાંને મજબૂત બનાવવાનું કામ કરે છે. તેનાથી શરીરમાં વધતી સોજો પણ ઓછી થાય છે. અખરોટના સેવનથી તણાવ ઓછો થાય છે અને સારી ઊંઘ આવે છે.માઇન્ડ શાંત રહે છે.
Check out below Health Tools-
Calculate Your Body Mass Index ( BMI )
ટોપ સ્ટોરી
ટ્રેન્ડિંગ સમાચાર
