Health: બાળકોને બોટલથી પીવડાવો છો દૂધ? આ ભૂલ કરી તો સ્વાસ્થ્યને થશે નુકસાન

જો તમે તમારા બાળકને બોટલથી દૂધ પીવડાવો છો તો સ્વચ્છતાનું ખાસ ધ્યાન રાખો

પ્રતિકાત્મક તસવીર

Source : Freepik

જન્મથી છ મહિના સુધી માતાનું દૂધ બાળક માટે સંપૂર્ણ આહાર માનવામાં આવે છે, તેથી ડૉક્ટરો પણ ભલામણ કરે છે કે બાળકને માતાનું દૂધ પીવડાવવું જોઈએ. જો કે, કેટલીકવાર અનેક સમસ્યાઓના કારણે બાળકને બોટલ દ્વારા દૂધ પીવડાવવું પડે છે. જો તમે તમારા બાળકને બોટલથી ફીડ કરાવો છો તો કેટલીક સાવચેતી રાખવી ખૂબ જ મહત્વપૂર્ણ છે, નહી તો તે બાળકના સ્વાસ્થ્યને નુકસાન પહોંચાડી શકે છે.

વાસ્તવમાં બાળકને બોટલથી દૂધ પીવડાવવાનું ટાળવું જોઈએ, પરંતુ જો કોઈ કારણોસર બાળકને બોટલથી દૂધ પીવડાવવું પડે છે તો કેટલીક બાબતોનું ધ્યાન રાખો, નહીંતર બાળકના સ્વાસ્થ્ય પર વિપરીત અસર થઈ શકે છે અને ઘણા કિસ્સાઓમાં સ્થિતિ ગંભીર બની શકે છે

સ્વચ્છતાનું ધ્યાન ન રાખવું

જો તમે તમારા બાળકને બોટલથી દૂધ પીવડાવો છો તો સ્વચ્છતાનું ખાસ ધ્યાન રાખો, કારણ કે નાના બાળકોની રોગપ્રતિકારક શક્તિ નબળી હોય છે અને તેમને ચેપ લાગવાનો ખતરો હોય છે. આ માટે બાળકને દૂધ આપતા પહેલા બોટલને સારી રીતે સાફ કરો. આ સિવાય બોટલને પાણીમાં ઉકાળીને સાફ કરો. બેબી બોટલ ક્લિનિંગ બ્રશને સ્વચ્છ જગ્યાએ અલગ રાખો. દૂધ બનાવતા પહેલા હાથ સાફ કરો. ત્યાં ઘણા માઇક્રોસ્કોપિક જંતુઓ છે જે આંખોથી દેખાતા નથી. તેથી તમે સ્ટેરલાઈઝર ખરીદી શકો છો જેથી બોટલ પર હાજર બેક્ટેરિયા સંપૂર્ણપણે સાફ થઈ શકે.

એક જ બોટલનો લાંબા સમય સુધી ઉપયોગ કરવો

દૂધ પીવડાવવાની બોટલો મોટાભાગે પ્લાસ્ટિકની હોય છે, તેથી તેને અમુક સમય પછી બદલવી જરૂરી છે, કારણ કે મોટાભાગની પ્લાસ્ટિકની બોટલમાં BPA કોટિંગ હોય છે. ઘણી વખત લોકો એક જ બોટલનો લાંબા સમય સુધી ઉપયોગ કરતા રહે છે જે બાળકના સ્વાસ્થ્ય માટે સારી નથી હોતી. આ સાથે બોટલમાં ફીટ કરેલા નિપલને સમયાંતરે બદલતા રહો.

તમે જે બોટલનો દૂધ પીવડાવા ઉપયોગ કરો છો તેની નિપલ નરમ અને યોગ્ય કદની હોવી જોઈએ, જેથી બાળકને દૂધ પીવું સરળ બને. આ સાથે એ વાતનું પણ ધ્યાન રાખો કે નિપલમાં બનેલું કાણું વધારે મોટું ન હોવું જોઈએ, નહીં તો દૂધ ઝડપથી બહાર આવશે.

આ વાતનું ધ્યાન રાખો

બાળકને તમારા ખોળામાં પકડીને અને તેના માથા નીચે એક હાથ રાખીને તેને દૂધ પીવડાવવાનો પ્રયાસ કરો. ઘણી વખત લોકો બાળકને સૂવડાવીને દૂધની બોટલ આપે છે, જેના કારણે તેના ગળામાં વધારે દૂધ જઇ શકે છે. ઘણી વખત દૂધ નાકમાં જવાનો ડર રહે છે, જેના કારણે સ્થિતિ ગંભીર બની શકે છે, તેથી બોટલથી દૂધ આપતી વખતે હંમેશા બાળકની પાસે જ રહો.