કોંગ્રેસના સેક્રેટરી અને બિહારના કો ઈન્ચાર્જ તરીકે આ ગુજરાતીની થઈ નિમણૂક, રાહુલ ગાંધીની છે નજીક

અમદાવાદઃ ગુજરાત કોંગ્રેસના નેતા અને રાધનપુરના ધારાસભ્ય અલ્પેશ ઠાકોરની કોંગ્રેસના સેક્રેટરી અને બિહારના કો-ઇનચાર્જ તરીકે વરણી કરવામાં આવી છે. અલ્પેશ ઠાકોરને રાહુલ ગાંધીની નજીક ગણવામાં આવે છે. ઉલ્લેખનીય છે કે ગત સપ્તાહે કોંગ્રેસ અધ્યક્ષ રાહુલ ગાંધી દ્વારા ગુજરાતના 8 જિલ્લાના પ્રમુખોની નિમણૂક કરવામાં આવી હતી. જેમાં અમદાવાદ જિલ્લા પ્રમુખ તરીકે અલ્પેશ ઠાકોરના પિતા ખોડાજી ઠાકોરને હટાવીને તેમના સ્થાને પંકજસિંહ વાઘેલાની નિમણૂક કરવામાં આવી હતી.