PSIની 472 જગ્યા માટે રવિવારે યોજાશે લેખિત પરીક્ષા, 1 લાખથી વધુ ઉમેદવારો આપશે એક્ઝામ
અમદાવાદ: લેખિત પરીક્ષામાં ગેરરીતિ અટકાવવા માટે ગુજરાત પોલીસ ભરતી બોર્ડ દ્વારા વિવિધ પગલાઓ લેવામાં આવ્યા છે. તમામ પરીક્ષા કેન્દ્રો તથા વર્ગખંડમાં CCTV કેમેરાથી લાઇવ મોનીટરીંગ કરવામાં આવનાર છે.
અમદાવાદ: ગુજરાત પોલીસ ભરતી માટે જાન્યુઆરી-ફેબ્રુઆરી-2025 દરમ્યાન લેવામાં આવેલી શારીરિક કસોટીમાં ઉત્તીર્ણ થયેલા ઉમેદવારો પૈકી, બિન હથિયારી પોલીસ સબ ઇન્સપેકટરની 472 જગ્યા માટે કુલ-1,02,935 ઉમેદવારોની લેખિત પરીક્ષા તા.13/04/2025ના રોજ અમદાવાદ, વડોદરા અને સુરત ખાતેની કુલ-340 શાળાઓમાં યોજવામાં આવનાર છે. જે માટેના કોલલેટર ડાઉનલોડ કરવાની પ્રક્રિયા તા.13/04/2025 સુધી ચાલુ રહેશે. એક લાખ જેટલા ઉમેદવારોએ પોતાના કોલલેટર ડાઉનલોડ કર્યા છે. આ પરીક્ષામાં 3-3 કલાકના બે પેપર હશે.
પરીક્ષામાં ગેરરીતિ રોકવા તંત્ર સજ્જ
આ પરીક્ષા પારદર્શક રીતે કોઇપણ ગેરરિતી વગર યોજાય તે માટે 8000 થી વધુ પોલીસ તથા શિક્ષણ વિભાગના અધિકારી / કર્મચારીઓ પરીક્ષાલક્ષી કામગીરી કરશે.દરેક પરીક્ષા કેન્દ્ર ઉપર એક PI / PSIને ભરતી બોર્ડના પ્રતિનિધી તરીકે નિમણુંક આપવામાં આવી છે.
વાહનોનું GPS મારફતે મોનીટરીંગ કરવામાં આવશે
લેખિત પરીક્ષામાં ગેરરીતિ અટકાવવા માટે ગુજરાત પોલીસ ભરતી બોર્ડ દ્વારા વિવિધ પગલાઓ લેવામાં આવ્યા છે. તમામ પરીક્ષા કેન્દ્રો તથા વર્ગખંડમાં CCTV કેમેરાથી લાઇવ મોનીટરીંગ કરવામાં આવનાર છે. શારીરિક કસોટી દરમ્યાન ઉમેદવારોના મેળવવામાં આવેલ બાયોમેટ્રીક / ફોટોગ્રાફને લેખિત પરીક્ષાના બન્ને પેપર પહેલા વેરીફીકેશન કરવામાં આવનાર છે તેમજ પરીક્ષા સાહિત્ય માટે ઉપયોગમાં લેવાનાર તમામ વાહનોને GPS મારફતે મોનીટરીંગ કરવામાં આવશે.
ગેરરિતી કરનાર અને મદદ કરનાર સામેે લેવાશે આકરા પગલા
અમદાવાદ શહેર, સુરત શહેર તથા વડોદરા શહેર ખાતેની આ લેખિત પરીક્ષા પોલીસ કમિશ્નરઓના જનરલ સુપરવિઝન હેઠળ તેમજ IGP / DIGP કક્ષાના સિનીયર પોલીસ અધિકારીઓની અધ્યક્ષતામાં પરીક્ષા સમિતીના સુપરવિઝન હેઠળ યોજવામાં આવનાર છે. તારીખ 13/04/2025ના રોજ યોજાનાર આ લેખિત પરીક્ષા કોઇપણ જાતની ગેરરીતી વગર યોજાય તે માટેની તમામ તૈયારીઓ ભરતી બોર્ડ દ્વારા પૂર્ણ કરવામાં આવેલ છે. આ ઉપરાંત આ પરીક્ષામાં ગેરરિતી કરનાર કે ગેરરિતીમાં મદદ કરનાર વિરૂધ્ધ સખ્ત પગલાઓ ભરવામાં આવશે.
અમદાવાદમાંથી ફરી નકલી પોલીસ ઝડપાઇ
ગુજરાતમાં નકલીનો રાફડો ફાટ્યો છે, અવારનવાર નકલી ડૉકટરો, નકલી હૉસ્પિટલો અનેક નકલી વસ્તુઓ ઝડપાતી રહી છે, પરંતુ હવે અમદાવાદ જેવા મેગા સિટીમાં નકલી પોલીસ પણ ફરતી થઇ ગઇ છે. શહેરના ઇસનપુર વિસ્તારમાંથી એક-બે નહીં ત્રણ-ત્રણ નકલી પોલીસને અસલી પોલીસે ઝડપી પાડ્યા છે. ખરેખરમાં આ ત્રણેય નકલી પોલીસ રસ્તાં પર પોલીસ હોવાનો ડોળ કરીને ચેકિંગ કરી લોકો પાસેથી રૂપિયા પડાવતા હતા. એક શખ્સ પાસેથી 28 હજારથી વધુની રકમ પડાવ લેતા આ સમગ્ર મામલાનો પર્દાફાશ થયો હતો. હાલમાં ઇસનપુર પોલીસે આ ત્રણેયની ધરપકડ કરીને આગળની કાર્યવાહી હાથ ધરી છે. આ બાબતે વધુ પૂછપરછ તપાસ હાથ ધરવામાં આવી છે.
ટોપ સ્ટોરી
ટ્રેન્ડિંગ સમાચાર
