કામની વાતઃ EPFO નોમિની બદલવું છે આસાન, આ રીતે ઓનલાઇન ફાઇલ કરો નવું નોમિનેશન

EPFO Nominee Change: EPFO સબસ્ક્રાઇબરને તેના PF નોમિની બદલવા માટે EPFO ને પૂછપરછ કરવાની જરૂર નથી. PF એકાઉન્ટ ધારકો નવું PF નોમિનેશન ફાઇલ કરીને અગાઉના નોમિનીને પોતાની જાતે બદલી શકે છે.

EPFO

Source : Getty

EPFO Nominee Change: નોકરીયાત લોકો માટે એક મહત્વપૂર્ણ સમાચાર છે. હવે તમે એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)ની વેબસાઈટ epfindia.gov.in પર લોગઈન કરીને EPF, EPS નોંધણી ડિજિટલ રીતે સબમિટ કરી શકો છો. એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (EPFO) તમામ EPFO ​​સભ્યોને પ્રોવિડન્ટ ફંડ (PF) નોમિનેશનની સુવિધા પૂરી પાડે છે. જ્યાં તમે ઑનલાઇન મોડ દ્વારા સરળતાથી EPF, EPS નોમિનેશન સબમિટ કરી શકો છો.

માહિતી અનુસાર, હવે EPFO ​​સબસ્ક્રાઇબરને તેના PF નોમિની બદલવા માટે EPFO ​​ને પૂછપરછ કરવાની જરૂર નથી. PF એકાઉન્ટ ધારકો નવું PF નોમિનેશન ફાઇલ કરીને અગાઉના નોમિનીને પોતાની જાતે બદલી શકે છે.

જાણો  કેવી રીતે  ઓનલાઈન ફાઇલ કરશો નોમિનેશન?

• ઓનલાઈન PF એનરોલમેન્ટ કરવા માટે તમારે પહેલા EPFOની સત્તાવાર વેબસાઈટ epfindia.gov.in પર લોગઈન કરવું પડશે.
• પછી 'Service' પર જાઓ અને 'For Employee' ટેબ પર ક્લિક કરો
• સેવાઓમાં 'સભ્ય UAN/Online Service (OCS/OTCP)' તપાસો
• તમારા UAN અને પાસવર્ડથી લોગિન કરો
• 'Manage' ટૅબ હેઠળ 'E-Nomination' પસંદ કરો
•  ફેમિલી ડિકલેરેશનને અપડેટ કરવા માટે 'Yes પર ક્લિક કરો
• 'Add Family Details' પર ક્લિક કરો
• રકમનો કુલ હિસ્સો જાહેર કરવા માટે 'Nomination Details' પર ક્લિક કરો.
• ડિકલેરેશન બાદ 'Save EPF Nomination' પર ક્લિક કરો
• OTP મેળવવા માટે 'E-Sign' પર ક્લિક કરો.
• તમારા આધાર કાર્ડ સાથે જોડાયેલા મોબાઈલ નંબર પર એક OTP મોકલવામાં આવશે.
• OTP દાખલ કરો
• આ સાથે, EPFO ​​પર તમારું E-Nomination રજીસ્ટ્રેશન પૂર્ણ થઈ ગયું છે.

તાજેતરમાં, EPF બોર્ડ ઓફ ટ્રસ્ટીઝે છેલ્લા નાણાકીય વર્ષ એટલે કે 2021-22 માટે 8.1 ટકા વ્યાજ દરને મંજૂરી આપી છે. આ દરોને EPFO ​​ઓફિસ દ્વારા પણ મંજૂરી આપવામાં આવી છે. આ પછી, નાણાં મંત્રાલય દ્વારા મંજૂરી મળ્યા પછી તેને તમારા ખાતામાં મોકલવાનું શરૂ કરવાનું બાકી છે. ગયા વર્ષે એટલે કે નાણાકીય વર્ષ 2020-21માં ઓક્ટોબર મહિનાથી વ્યાજ આવવા લાગ્યું હતું. આ વર્ષે આ કામ ટૂંક સમયમાં થઈ જશે તેવી આશા છે.