Gandhinagar: સાબરમતી નદી પર બંધ બાંધવા મુદ્દે રાજકારણ ગરમાયું, અશ્વિન કોટવાલે અશોક ગેહલોત પર ગંભીર આક્ષેપ કર્યા

ગાંધીનગર: સાબરમતી નદી પર રાજસ્થાનમા બંધ બનાવવા મુદ્દે રાજકારણ ગરમાયું છે. પૂર્વ ધારાસભ્ય અશ્વિન કોટવાલે રાજસ્થાનના સીએમ અશોક ગેહલોત પર ગંભીર આક્ષેપ કર્યા છે.  

અશોક ગેહલોત (ફાઈલ તસવીર)

Source : Twitter/ANI

ગાંધીનગર: સાબરમતી નદી પર રાજસ્થાનમા બંધ બનાવવા મુદ્દે રાજકારણ ગરમાયું છે. પૂર્વ ધારાસભ્ય અશ્વિન કોટવાલે રાજસ્થાનના સીએમ અશોક ગેહલોત પર ગંભીર આક્ષેપ કર્યા છે.  કોટવાલે આરોપ લગાવતા કહ્યું કે, ગેહલોત સરકારનો મતો લેવાનું અને આદિવાસીઓને હટાવવાનો નુસ્ખો છે. રાજસ્થાનમાં ચૂંટણી આવતા ગેહલોત આદિવાસીઓને ગુમરાહ કરી રહ્યા છે. રાજસ્થાન સરકાર ગુજરાત બોર્ડર પર અને બે નદીઓ પર બંધ બનાવી રહી છે. ૧૯૭૨મા ડેમ બન્યો હતો કરાર પ્રમાણે ૩૦૦ કિમીમાં બંધ ન બની શકે. કોંગ્રેસની રાજસ્થાન સરકાર કરારનો ભંગ કરી રહી છે.

કોટવાલે વધુમાં કહ્યું કે, આદિવાસી સમાજના ૧૮ ગામો વિસ્થાપિત થશે. વિસ્થાપિતને પુન:વસવાટ કોંગ્રેસની સરકાર કરી શકી નથી. સરકારને વિનંતી છે આદિવાસીઓના પુન:વસવાટનો પ્રશ્ન થશે. ધરોઈ ડેમ ભરાશે નહીં યોગ્ય પાણી ભરાશે નહી તેથી ઉત્તર ગુજરાતને મોટું નુકશાન થશે.

સુરતમાં ઈલેક્ટ્રિક બાઈકની બેટરીમાં આગ લાગી

પલસાણા તાલુકામાં એક ગંભીર ઘટના સામે આવી છે. અંત્રોલીના ખાતે ઇલેક્ટ્રિક બાઇકની બેટરીમાં આગ લાગતા આ દુર્ઘટના ઘટી છે. આ પરિવારે રાત્રે ઘરની અંદર ઇલેક્ટ્રિક બાઇકની બેટરી ચાર્જ કરવા મુકી હતી. રાત્રી દરમિયાન ઘરમાં ચાર્જ કરવા મુકેલી બેટરી ફાટતા જોત જોતામાં આખા ઘરમાં આગ ફેલાઈ હતી. આગમાં ઘર વખરી તેમજ ઇલેક્ટ્રિક બાઇક સહિત બે મોટરસાયકલ આગમાં બળીને ખાખ થઈ ગયા છે. સવારે 4 વાગ્યાની આસપાસ આ ઘટના બની હતી.

આગ લાગતા પરિવારે બુમાબુમ કરી હતી જે બાદ લોકોનું ટોળુ એકઠું થઈ ગયું હતું. ઘટનાના પગલે ફાયર વિભાગને ફોન કરતા ફાયરની ટીમે આગ પર કાબુ મેળવ્યો હતો. આગમાં સંપૂર્ણ ઘર વખરીનો સામાન બળીને ખાખ થઈ ગયો છે. ઘટનાને પગલે સમગ્ર વિસ્તારમાં ચકચાર મચી ગઈ છે. જો કે આ પહેલી ઘટના નથી જ્યારે કોઈ ઈલેક્ટ્રીક બાઈકમાં આગ લાગી હોય. આ પહેલા પણ આવી ઘટનાઓ બની ચૂકી છે.

અમદાવાદમાં નિર્માણાધીન ઇમારતની દીવાલ ધરાશાયી થતા બાળકનું મોત

અમદાવાદ શહેર કોટડા પોલીસ સ્ટેશનના નિર્માણધીન ઇમારતની દીવાલ ધરાશાયી છે. જે બાદ લોખંડનો દરવાજો બાળક માથે પડતા તેનું મોત નિપજ્યું છે. જ્યારે અન્ય એક બાળકને ગંભીર હાલતમાં હોસ્પિટલ ખસેડવામાં આવ્યો છે. ઇજાગ્રસ્ત બાળકને શારદાબેન હોસ્પિટલ લઈ જવામાં આવ્યો છે. એક બાળકની ઉંમર 6 વર્ષ અને એકની 7 વર્ષ હોવાનું સામે આવ્યું છે. ઘટનાને પગલે સમગ્ર વિસ્તારમા અરેરાટી મચી ગઈ છે. 

ગુજરાતમાં આ વિસ્તારમાં પડશે હાડ થીજવતી ઠંડી

હવામાન વિભાગ દ્વારા રાજ્યમાં ઠંડીને લઈ આગાહી કરવામાં આવી છે. જે મુજબ આગામી 5 દિવસ વાતાવરણ સૂકું રહેશે અને વરસાદની કોઈ આગાહી નથી. હાલમાં તાપમાનમાં 2 ડિગ્રી જેટલો ઘટાડો થયો છે. નલિયા અને કચ્છમાં કેટલા વિસ્તારમાં આજે અને કાલે કોલ્ડ વેવની આગાહી છે. આગામી 3 દિવસમાં હજુ 1 થી 2 ડિગ્રી તાપમાન ઘટવાની આગાહી છે. અમદાવાદમાં તાપમાન 12 ડિગ્રી આસપાસ પહોંચી શકે છે. ઉતરી પવન ફૂંકાવાની શરૂઆત થતાં તાપમાન ગગડ્યું છે.