Bharuch News: ભરૂચમાં ભારે પવન સાથે વરસાદ તૂટી પડતાં 3 લોકોના મોત, વૃક્ષ માથે પડતા ગયો જીવ
ભરૂચ જિલ્લાના શુકલતીર્થ ગામ પાસે ભારે પવન સાથે વરસાદ તૂટી પડતા અકસ્માતની ઘટના સામે આવી છે.
Bharuch News: ભરૂચના દર્દનાક દુર્ઘટના બની છે. શુક્લતીર્થ નજીક ભારે પવન સાથેના વરસાદમાં વૃક્ષ ધરાશાયી થતા ત્રણ લોકોના મોત થયા છે. વડનું ઝાડ ધરાશાયી થતા ત્રણ લોકોએ જીવ ગુમાવ્યો છે. વરસાદની સાથે ભારે પવન ફૂંકાતા મહાકાય ઝાડ કાર અને રિક્ષા પર પડ્યું. કારમાં ડ્રાઈવર સહિત 6 લોકો હતા, જેમાંથી બે યુવકના મોત થયા જ્યારે અન્યોને JCBની મદદથી બહાર કઢાયા હતા. તો, રિક્ષામાં બેઠેલી મહિલાનું પણ મૃત્યુ થયું છે. અંકલેશ્વરથી યુવકો કારમાં ક્રિકેટ રમવા આવ્યા હતા એ સમયે ભારે પવન સાથે વરસાદ વરસ્યો હતો.
ભરૂચ જિલ્લાના શુકલતીર્થ ગામ પાસે ભારે પવન સાથે વરસાદ તૂટી પડતા અકસ્માતની ઘટના સામે આવી છે. મળતી વિગતો મુજબ, શુક્લતીર્થ ગામના પાટિયા નજીક ભારે પવન સાથે પડેલા વરસાદમાં મહાકાય વૃક્ષ માર્ગ પર ધરાશાયી થઈને પડતા પસાર થઈ રહેલ કાર અને રિક્ષા વૃક્ષની ભારદાર ડાળીઓ નીચે દબાયા હતા. અકસ્માત એટલો ખતરનાક હતો કે, રીક્ષામાં સવાર એક મહિલા મુસાફરનું ઘટના સ્થળે જ મોત થયું હતું, જ્યારે અંકલેશ્વરથી કારમાં સવાર થઈ મેચ રમવા આવેલ કેટલાક યુવાનોને પણ ઇજાઓ પહોચી હતી. અકસ્માતના બનાવમાં કારમાં સવાર ડ્રાઈવર સહિત 6 લોકો ફસાયા હતા. બનાવની જાણ થતાં જ 108 એમ્બ્યુલન્સ સહિત પોલીસ કાફલો ઘટના સ્થળે દોડી ગયો હતો, જ્યાં કારમાં ફસાયેલા લોકોને જેસીબીની મદદથી બહાર કાઢવા માટે રેસક્યું હાથ ધરવામાં આવ્યું હતું. JCBની મદદથી કારમાં ફસાયેલા લોકોને બહાર કાઢી 108 એમ્બ્યુલન્સ મારફતે સારવાર હેઠળ ખસેડવામાં આવ્યા હતા. અકસ્માતના પગલે ખાનગી હોસ્પિટલમાં સારવાર લઈ રહેલ અન્ય ઈજગ્રસ્તોની હાલત પણ ગંભીર હોવાનું જાણવા મળ્યું હતું. જે પૈકી વધુ 2 યુવાનોના સારવાર દરમ્યાન મોત નીપજ્યાં હતા, ત્યારે હાલ તો પોલીસે અકસ્માતે 3 લોકોના મોતનો ગુન્હો નોંધી આગળની કાર્યવાહી હાથ ધરી છે.
હવામાન વિભાગે આગાહી કરી છે કે, રાજ્યમાં આગામી પાંચ દિવસ વરસાદી માહોલ રહેશે. હવામાન વિભાગ અનુસાર પાંચ દિવસ દક્ષિણ ગુજરાત અને સૌરાષ્ટ્રમાં હળવાથી મધ્યમ વરસાદ (Rain) પડશે.
આજે વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, પંચમહાલ, દાહોદ, અમરેલી, ભાવનગર, ગીર સોમનાથમાં વરસાદ (Rain) વરસશે. સાથે જ દમણ અને દાદરા નગર હવેલીમાં પણ ગાજવીજ સાથે વરસાદ (Rain)ની આગાહી કરવામાં આવી છે.
તો છેલ્લા 24 કલાકમાં રાજ્યના 35 તાલુકામાં વરસાદ (Rain) વરસ્યો છે. જેમાં સૌથી વધુ અમરેલીના બાબરામાં બે કલાકમાં ત્રણ ઈંચ વરસાદ (Rain) ખાબક્યો છે. તો પાંચ તાલુકામાંથી એક ઈંચથી વધુ વરસાદ (Rain) વરસ્યો છે. છોટા ઉદેપુરના ક્વાંટમાં પોણા બે ઈંચ, નર્મદાના તિલકવાડા અને નાંદોદમાં સવા ઈંચ અને તાપી જિલ્લાના ડોલવણ, વ્યાર અને સોનગઢમાં સવા ઈંચ વરસાદ (Rain) વરસ્યો છે તો અમદાવાદમાં પણ વરસાદ (Rain) નોંધાયો છે.
Before You Go
Gujarat Government: રાજ્યના ખેડૂતો માટે સરકારનો મહત્વનો નિર્ણય
ટોપ સ્ટોરી
ટ્રેન્ડિંગ સમાચાર
