Gujarat Weather : રાજ્યમાંથી ચોમાસું ક્યારે લેશે સંપૂર્ણ વિદાય, આગામી 7 દિવસ કેવું રહેશે હવામાન? જાણો અપડેટ્સ

ગુજરાતમાં આગામી 2 દિવસ કેવું રહેશે વાતાવરણ તેમજ ચોમાસાની વિદાયને લઇને પણ હવામાન વિભાગે અગત્યની જાહેરાત કરી છે.

પ્રતીકાત્મક તસવીર ( ગૂગલમાંથી)

Gujarat Weather :હાલ રાજ્યના અનેક જિલ્લામાં કાળઝાળ ગરમી પડી રહી છે, હવામાન વિભાગે ચોમાસાની વિદાયને લઇને મહત્વના અપડેટ્સ જાહેર કર્યાં છે.

આગામી સાત દિવસ ગુજરાતમાં વરસાદની નહિવત શક્યતા છે અને વાતાવરણ સુકુ રહેશે તેમજ તાપમાન પણ સામાન્ય રહેશે. જો કે કેટલાક જિલ્લામાં એકાદ ડિગ્રી તાપમાન વધી શકે છે તો કેટલાક જિલ્લામાં એકાદ ડીગ્રી તાપમાન ઘટી પણ શકે છે. હવામાન વિભાગની આગાહી મુજબ આગામી 2 દિવસમાં ગુજરાતમાંથી ચોમાસું સંપૂર્ણપણે વિદાય લેશે. હાલ ગુજરાત પર વાદળો ન  હોવાથી વાતાવરણમાં તાપમાન વધુ અનુભવાય રહ્યું છે. ઉપરાત ગુજરાતમાં હાલ પવન પણ સુકા વહી વહી રહ્યાં છે.

ગુજરાત રાજ્ય અત્યાર સુધીમાં સિઝનનો  118% વરસાદ પડ્યો છે. ગાંધીનગર માં 25% વરસાદની ઘટ છે. અમદાવાદ વડોદરા 21% વરસાદ ઘટ છે તો રાજ્યમાં આગામી 7 દિવસ વાતાવરણ સૂકું રહેશે. તેમજ તાપમાન યથાવત રહેશે. ઓકટોબરમાં તાપમાન સામાન્ય રહેશે.

આ પણ વાંચો