Navsari: નવસારીમાં JCB લઈને લગ્ન કરવા પહોંચ્યો યુવક, લોકોમાં સર્જાયું કુતુહલ
નવસારી: હાલમાં લગ્નની મૌસમ ચાલી રહી છે. લોકો પોતાના અને નજીકના વ્યક્તિના લગ્નને યાદગાર બનાવવા માટે અવનવી રીતો અપનાવે છે. આવી ઘટના સામે આવી છે નવસારીજિલ્લામાં.
નવસારી: હાલમાં લગ્નની મૌસમ ચાલી રહી છે. લોકો પોતાના અને નજીકના વ્યક્તિના લગ્નને યાદગાર બનાવવા માટે અવનવી રીતો અપનાવે છે. તમે વરઘોડામાં શણગારેલો ઘોડો, મોંઘી કાર કે હેલિકોપ્ટર જોયા હશે પણ શું તમે ક્યારેય જોયું કે કોઈ વરરાજો જેસીબીમાં વરઘોડો કાઢે. આવી ઘટના સામે આવી છે નવસારીજિલ્લામાં. જ્યાં ચીખલી તાલુકાના કલિયારી ગામે યુવકનો વરઘોડો જેસીબીમાં નિકળતા કુતુહલ સર્જાયું હતું. કલીયારી ગામના ધોડિયા પટેલ સમાજના યુવકે ગામમાં જ લગ્ન કરવા જે.સી.બી.માં ગયો હતો.. આદિવાસી પરંપરા અને વિધિ મુજબ કર્યા લગ્ન પણ વરઘોડો જે.સી.બી.માં કાઢતા લોકોમાં કુતૂહલ સર્જાયું છે. ડી.જેના તાલ સાથે વરઘોડો જે.સી.બીમાં નિકળતા લોકો તેને જોવા ઘરની બહાર આવી ગયા હતા.
અભ્યાસક્રમમાં ભગવત ગીતાનો પાઠ ભણાવવા મુદ્દે વાઘાણીનું મૌન
ગાંધીનગર: રાજ્ય સરકારના શિક્ષણ વિભાગે મોટા ઉપાડે અભ્યાસક્રમમાં ભગવત ગીતાનો પાઠ ભણાવવા માટેની જાહેરાત તો કરી દીધી પરંતુ આજ દિન સુધી તેના પાઠ્યપુસ્તક આવ્યા નથી અને સંસ્કૃત શિક્ષકોની ભરતી પણ કરવામાં આવી નથી. જેમણે મોટા ઉપાડે જાહેરાત કરી હતી એ જ કેબિનેટ પૂર્વ શિક્ષણ મંત્રી જીતુ વાઘાણી આજે જવાબ આપવામાંથી પણ છટકી રહ્યા છે ત્યારે રાજ્યની જનતા પૂછી રહી છે કે શું મત મેળવવા માટે જ આ પ્રકારે ભાજપ સરકાર દ્વારા જાહેરાતો કરવામાં આવે છે.
હર હંમેશ વિરોધીઓ પર આકરા પ્રહાર કરનાર ભાવનગર પશ્ચિમના ધારાસભ્ય અને પૂર્વ કેબિનેટ શિક્ષણ મંત્રી જીતુ વાઘાણી દ્વારા અગાવ કરેલી જાહેરાત સંદર્ભે abp asmita ના રિપોર્ટર દ્વારા પૂછવામાં આવેલા સવાલને લઈ તેમને લોકપ્રશ્ન સાંભળવા માટે બેઠો છું તેવું કહીને જવાબ આપ્યો ન હતો. આ એ જ પૂર્વ કેબિનેટ શિક્ષણ મંત્રી છે કે જેમને પ્રેસ કોન્ફરન્સ દરમિયાન ખૂબ મોટા ઉપાડે રાજ્યની જનતાને વચનો આપીને અભ્યાસક્રમમાં હવેથી ધોરણ 6થી 12ના અભ્યાક્રમમાં ભગવદ ગીતાના પાઠ ભણાવવાનો નિર્ણયની જાહેરાત કરી હતી અને એ પણ જણાવ્યું હતું કે હવે ભગવદ્ ગીતાનો અભ્યાસક્રમમાં સમાવેશ કરાશે.
વર્ષ 2022-23ના શૈક્ષણિક વર્ષમાં 6થી 12 ધોરણના વિદ્યાર્થીઓના અભ્યાસક્રમમાં ભગવદ્ ગીતાનો અભ્યાસ કરાવાશે તેવી જાહેરાત તો કરી દીધી પરંતુ આજ દિન સુધી તેના પાઠ્યપુસ્તક પણ આવ્યા નથી અને ભગવત ગીતાનો અભ્યાસ કરાવનાર શિક્ષકોની પણ ભરતી કરવામાં આવી નથી. વિધાનસભાની ચૂંટણી પૂર્ણ થયા બાદ પૂર્વ કેબિનેટ શિક્ષણ મંત્રી અને રાજ્ય સરકારના પ્રવક્તા જીતુ વાઘાણીએ પોતે આપેલા વચનો ભૂલી ગયા છે અને જવાબ આપવા માંથી પણ છટકી રહ્યા છે
ભાવનગર શહેરમાં શિક્ષકોની તો ઘટ્ટ છે પરંતુ વ્યાયામના માત્ર આઠ શિક્ષકો છે જેમના દ્વારા ગાડુ ચાલે છે. સરકારી શાળાઓમાં ગ્રાઉન્ડ તો છે પરંતુ બાળકને કૌશલ્ય અને તંદુરસ્ત રાખવા માટે અભ્યાસના ભાગરૂપે પીટીના શિક્ષકોની ખૂબ મોટી ઘટ છે. આમ તો ભાવનગરમાં એક દાયકા સુધી શિક્ષણ વિભાગનું મહત્વનું ખાતું રહ્યું છે પરંતુ ભાવનગર માટે કશું જ નેતાઓ દ્વારા કરવામાં આવ્યું નથી તેવું સ્પષ્ટ જોવા મળી રહ્યું છે ત્યારે ભાવનગર સહિત રાજ્યની જનતા પૂછી રહી છે કે ચૂંટણી સમયે મત મેળવવા માટે જ ભાજપ સરકાર મોટા મોટા વચનો આપે છે ત્યારબાદ તે વચનોને પૂર્ણ શા માટે નથી કરી રહી. જીતુ વાઘાણી દ્વારા જનતાના લોક પ્રશ્નો તો સાંભળે છે પરંતુ જનતાને આપેલા વચનો ભૂલી જાય છે.
ટ્રેન્ડિંગ સમાચાર
ટોપ સ્ટોરી
