PM Modi: ચૂંટણી પ્રચાર પૂરો થતાં જ આધ્યાત્મિક યાત્રા પર કન્યાકુમારી પહોંચ્યા પીએમ મોદી, અહીં ધ્યાનમાં બેસશે પ્રધાનમંત્રી
PM Modi Visit Kanyakumari: લોકસભા ચૂંટણીના 7મા અને અંતિમ તબક્કા માટે ચૂંટણી પ્રચાર થંભી ગયો છે. તો બીજી તરફ, પીએમ મોદી તેમની 3 દિવસની આધ્યાત્મિક યાત્રા પર કન્યાકુમારી પહોંચ્યા છે.
PM Modi Visit Kanyakumari: વડાપ્રધાન નરેન્દ્ર મોદી ગુરુવારે સાંજે તમિલનાડુ પહોંચ્યા હતા. અહીં તેઓ 45 કલાક લાંબા ધ્યાન પર બેસવાના છે. પીએમ મોદી પહેલા પૂજા કરવા નજીકના ભગવતી અમ્માન મંદિર પહોંચ્યા અને અહીંથી તેઓ વિવેકાનંદ રોક મેમોરિયલ પહોંચશે અને લગભગ બે દિવસ ધ્યાન કરશે. 1 જૂનના રોજ રવાના થતા પહેલા પીએમ મોદી અહીં સંત તિરુવલ્લુવરની પ્રતિમાની મુલાકાત પણ લઈ શકે છે.
#WATCH | Prime Minister Narendra Modi arrives at Vivekananda Rock Memorial in Kanyakumari, Tamil Nadu
— ANI (@ANI) May 30, 2024
He will meditate from 30th May evening to 1st June evening.
PM Modi will meditate day and night at the same place where Swami Vivekanand did meditation, at the Dhyan… pic.twitter.com/7QfKkvRLLN
સ્મારક અને પ્રતિમા બંને નાના નાના ટાપુઓ પર બાંધવામાં આવ્યા છે, જે સમુદ્રમાં અલગ અલગ અને ખડકો જેવા ટેકરાની રચના છે. પીએમ મોદીના સમુદ્રની વચ્ચે સ્થિત સ્મારક પર 45 કલાકના રોકાણ માટે ભારે સુરક્ષા સહિતની તમામ વ્યવસ્થા કરવામાં આવી છે. ભાજપના નેતાઓએ કહ્યું હતું કે આજે લોકસભા ચૂંટણી પ્રચારની સમાપ્તિ પછી, પીએમ મોદી સ્વામી વિવેકાનંદને શ્રદ્ધાંજલિ આપવા માટે બનાવવામાં આવેલા રોક સ્મારક પર ધ્યાન કરશે.
PMએ 2019ની ચૂંટણી પ્રચાર પછી કેદારનાથ ગુફામાં આવો જ પ્રવાસ કર્યો હતો. પીએમ મોદી ગુરુવાર સાંજથી 1 જૂનની સાંજ સુધી ધ્યાન મંડપમમાં ધ્યાન કરશે, જ્યાં વિવેકાનંદને 'ભારત માતા' વિશે દિવ્ય દ્રષ્ટિ પ્રાપ્ત થઈ હોવાનું માનવામાં આવે છે. પીએમ મોદીની મુલાકાત પહેલા સુરક્ષા વધારી દેવામાં આવી છે અને તેમના રોકાણ દરમિયાન સુરક્ષા માટે 2000 પોલીસ કર્મચારીઓ તૈનાત કરવામાં આવશે, ભારતીય કોસ્ટ ગાર્ડ અને ભારતીય નૌકાદળ પણ ચુસ્ત તકેદારી રાખશે.
PMએ ધ્યાન માટે વિવેકાનંદ રોક મેમોરિયલ કેમ પસંદ કર્યું?
વિવેકાનંદ રોક મેમોરિયલ સ્વામી વિવેકાનંદના માનમાં બનાવવામાં આવ્યું છે. વડાપ્રધાન નરેન્દ્ર મોદી સ્વામી વિવેકાનંદના વિચારોથી પ્રેરિત છે. ચેન્નાઈના માયલાપુરમાં શ્રી રામકૃષ્ણ મઠની 125મી વર્ષગાંઠ દરમિયાન તેમણે કહ્યું હતું , કે તેમની સરકારની ફિલસૂફી સ્વામી વિવેકાનંદથી પ્રેરિત છે. નરેન્દ્ર મોદીએ કહ્યું હતું કે, "આપણી ગવર્નન્સ ફિલસૂફી પણ સ્વામી વિવેકાનંદથી પ્રેરિત છે. તેમણે કહ્યું કે, જ્યારે વિશેષાધિકારો સમાપ્ત થાય છે અને સમાનતા સ્થાપિત થાય છે, ત્યારે સમાજ પ્રગતિ કરે છે. તમે અમારા તમામ મોટા કાર્યક્રમોમાં આ અભિગમ જોઈ શકો છો. પહેલા મૂળભૂત સુવિધાઓને પણ વિશેષાધિકાર માનવામાં આવતું હતું. ઘણા લોકો પ્રગતિના લાભોથી વંચિત હતા.
શું છે વિવેકાનંદ રોક મેમોરિયલ ?
વિવેકાનંદ રોક મેમોરિયલ કન્યાકુમારીના બીચ પાસે બનાવવામાં આવ્યું છે. તે સમુદ્રમાંથી બહાર નીકળતા ખડક પર બાંધવામાં આવ્યું છે. નજીકમાં તમિલ સંત તિરુવલ્લુવરની એકવિધ પ્રતિમા છે. આ ખડકને પ્રાચીન સમયથી પવિત્ર સ્થાન માનવામાં આવે છે. ધ્યાન અને જ્ઞાન માટે 24, 25 અને 26 ડિસેમ્બર 1892ના રોજ સ્વામી વિવેકાનંદની “શ્રીપાદ પરાઈ”ની મુલાકાતની યાદમાં વિવેકાનંદ રોક મેમોરિયલ કમિટી દ્વારા તેનું નિર્માણ કરવામાં આવ્યું હતું. વિવેકાનંદ રોક મેમોરિયલને જોવા માટે દરરોજ હજારો પ્રવાસીઓ ભારત અને વિદેશમાંથી આવે છે. કન્યાકુમારીના બીચ પરથી બોટ ઉપલબ્ધ છે. લોકો વિવેકાનંદ રોક મેમોરિયલ અને સંત તિરુવલ્લુવરની વિશાળ પ્રતિમા જોવા માટે બોટમાં સવાર થાય છે.
ટ્રેન્ડિંગ સમાચાર
ટોપ સ્ટોરી
