Sri Lanka : સંકટગ્રસ્ત શ્રીલંકાની મદદે આવ્યું ભારત, જાણો શું કરી બે મોટી મદદ
Sri Lanka : કોલંબોમાં ભારતીય હાઈ કમિશને આજે પોસ્ટ કર્યું, "શ્રીલંકા સાથે ઊભા છીએ”
Sri Lanka : શ્રીલંકામાં હાલ સંકટ ચાલી રહ્યું છે. આ સંકટ દરમિયાન ભારતે શ્રીલંકાની મોટી મદદ કરી છે. શ્રીલંકામાં ઈન્ડિયન ઓઈલ કોર્પોરેશનની પેટાકંપનીએ શનિવારે સિલોન ઈલેક્ટ્રિસિટી બોર્ડને 6,000 મેટ્રિક ટન ઈંધણ સપ્લાય કર્યું છે જેથી શ્રીલંકામાં વીજળીની કટોકટી હળવી કરવામાં મદદ મળશે. શ્રીલંકામાં હાલ મોટો વીજકાપ ચાલી રહ્યો છે. ઇંધણનું કન્સાઇનમેન્ટ ભારત દ્વારા વિસ્તરિત યુએસ 500 મિલિયન યુએસ ઓઇલ લાઇન ઓફ ક્રેડિટનો એક ભાગ છે.
આ અંગે કોલંબોમાં ભારતીય હાઈ કમિશને આજે પોસ્ટ કર્યું, "શ્રીલંકા સાથે ઊભા છીએ, Lanka IOC PLCએ આજે સિલોન ઈલેક્ટ્રિસિટી બોર્ડને 6000 MT ઈંધણ પૂરું પાડ્યું છે."
Standing with #Srilanka!!! @LankaIOCPLC supplied 6000 MT of fuel to the Ceylon Electricity Board today. pic.twitter.com/j088shtRNZ
— India in Sri Lanka (@IndiainSL) April 1, 2022
શ્રીલંકા હાલ તેની આઝાદી પછીના સૌથી ખરાબ આર્થિક સંકટનો સામનો કરી રહ્યું છે. વિદેશી હૂંડિયામણની અછતને કારણે બળતણ અને વીજળીની અછત ઉપરાંત, રાંધણ ગેસ, ખોરાક અને દવાઓ જેવી આવશ્યક ચીજવસ્તુઓની પણ તીવ્ર અછત છે.
More fuel supplies delivered by #India to #SriLanka! A consignment of 40,000 MT of diesel under #Indian assistance through Line of Credit of $500 mn was handed over by High Commissioner to Hon'ble Energy Minister Gamini Lokuge in #Colombo today. (1/2) pic.twitter.com/j8S2IsOw29
— India in Sri Lanka (@IndiainSL) April 2, 2022
40,000 MT ડીઝલની પણ મદદ
સિલોન ઈલેક્ટ્રિસિટી બોર્ડને 6,000 મેટ્રિક ટન ઈંધણ સપ્લાયની સાથે ભારતે શ્રીલંકાને 40,000 મેટ્રિક ટન ડીઝલની પણ મદદ કરી છે.
રાષ્ટ્રપતિ રાજપક્ષેએ રાષ્ટ્રવ્યાપી કટોકટી જાહેર કરી
શ્રીલંકામાં ગત ગુરુવારથી ઘણી જગ્યાએ પેટ્રોલ અને ડીઝલ ઉપલબ્ધ નથી.આ ઉપરાંત કોલંબો સ્ટોક એક્સચેન્જમાં અડધાથી બે કલાક સુધી ટ્રેડિંગ પર પ્રતિબંધ મૂકવો પડ્યો હતો. ઑફિસમાં જરૂરી ન હોય એવા કર્મચારીઓને ઇંધણ બચાવવા માટે આગલી સૂચના સુધી ઘરેથી કામ કરવાનું કહેવામાં આવ્યું છે.શુક્રવારે શ્રીલંકાના રાષ્ટ્રપતિ ગોટાબાયા રાજપક્ષેએ રાષ્ટ્રવ્યાપી જાહેર કટોકટી જાહેર કરતાં ગુસ્સે થયેલા વિરોધીઓ બળતણ અને અન્ય આવશ્યક ચીજોની અછત અંગે તેમના નિવાસસ્થાનની બહાર એકઠા થયા હતા. આ દરમિયાન નાગરિકો અને પોલીસ વચ્ચે ઘર્ષણ થયું, જેમાં પત્રકારો સહિત ઓછામાં ઓછા 10 લોકો ઘાયલ થયા છે.કોવિડ-19 રોગચાળા પછી શ્રીલંકાની અર્થવ્યવસ્થાએ ધબડકો લીધો છે, જેમાં પ્રવાસન ક્ષેત્ર પડી ભાંગ્યું છે.
ટ્રેન્ડિંગ સમાચાર
ટોપ સ્ટોરી
