Delhi blast: દિલ્હીમાં લાલ કિલ્લા પાસે બ્લાસ્ટ બાદ સરકારે હેલ્પલાઈન નંબર કર્યા જાહેર
Delhi blast helpline: વિસ્ફોટ બાદ LNJP હોસ્પિટલ સહિત દિલ્હી પોલીસે જારી કર્યા ઇમરજન્સી નંબરો; વિશેષ ડેસ્ક પર ફરિયાદ નોંધાવી શકાશે.
Lal Quila blast: સોમવારે સાંજે દિલ્હીમાં લાલ કિલ્લા મેટ્રો સ્ટેશનના ગેટ નંબર 1 પાસે કારમાં થયેલા શક્તિશાળી વિસ્ફોટના કારણે રાષ્ટ્રીય રાજધાની ફરી એકવાર લોહીલુહાણ બની છે, જેમાં ઘણા લોકોના મૃત્યુ થયા છે અને અનેક લોકો ઘાયલ થયા છે. આ ઘટનાને પગલે જો તમારા કોઈ પરિચિતે લાલ કિલ્લાની મુલાકાત લીધી હોય અને હાલમાં તેમનો સંપર્ક થઈ રહ્યો ન હોય અથવા તેઓ ગુમ હોય, તો દિલ્હી પોલીસ અને સંબંધિત હોસ્પિટલો દ્વારા તાત્કાલિક હેલ્પલાઈન નંબરો જારી કરવામાં આવ્યા છે. લાલ કિલ્લા પોલીસ સ્ટેશનમાં ગુમ થયેલા વ્યક્તિઓ માટે એક વિશેષ ડેસ્ક પણ સ્થાપિત કરવામાં આવ્યો છે, જ્યાં ફોટોગ્રાફ સબમિટ કરીને ફરિયાદ નોંધાવી શકાય છે.
લાલ કિલ્લા વિસ્ફોટ: સંભવિત ગુમ થયેલા વ્યક્તિઓ માટે મદદ
દિલ્હીના લાલ કિલ્લા વિસ્તારમાં થયેલા શક્તિશાળી વિસ્ફોટ બાદ સ્થિતિ ગંભીર છે. આ વિસ્ફોટમાં જાનહાનિ થઈ હોવાના અને ઘણા લોકો ઘાયલ થયા હોવાના અહેવાલો છે. પ્રવાસીઓ અને સ્થાનિકો માટેનું આ વ્યસ્ત સ્થળ હોવાથી, જો તમારા કોઈ સંબંધી, મિત્ર કે પરિચિતે લાલ કિલ્લાની મુલાકાત લીધી હોય અને વિસ્ફોટ પછી તેમનો સંપર્ક ન થઈ રહ્યો હોય, તો તાત્કાલિક મદદ મેળવવા માટે નીચે આપેલા હેલ્પલાઈન નંબરો અને વ્યવસ્થાઓનો ઉપયોગ કરવો જોઈએ:
ઇમરજન્સી અને હોસ્પિટલ હેલ્પલાઇન નંબરો
દિલ્હી પોલીસ અને મુખ્ય તબીબી સંસ્થાઓએ લોકોને મદદ કરવા માટે 24 કલાક કાર્યરત રહે તેવા ઇમરજન્સી નંબરો જારી કર્યા છે:
દિલ્હી પોલીસ ઇમરજન્સી: 112 (24 કલાક કાર્યરત, ગુમ થયેલ વ્યક્તિની માહિતીની તપાસ માટે)
દિલ્હી પોલીસ કંટ્રોલ રૂમ: 011-22910010 અથવા 011-22910011
LNJP હોસ્પિટલ (મુખ્ય સારવાર કેન્દ્ર): 011-23233400, ઇમરજન્સી: 011-23239249 (ઘાયલો અને મૃતકો અંગે પૂછપરછ માટે રૂબરૂ મુલાકાત અથવા ફોન દ્વારા માહિતી મેળવી શકાય છે)
AIIMS ટ્રોમા સેન્ટર: 011-26594405 (જો કોઈને ત્યાં ખસેડવામાં આવ્યું હોય તેની માહિતી માટે)
દિલ્હી ફાયર સર્વિસ: 101
એમ્બ્યુલન્સ સેવાઓ: 102 અથવા 108
મહિલા હેલ્પલાઇન (જો કોઈ મહિલા ગુમ હોય): 1091 અથવા 181
પોલીસ સ્ટેશન ખાતે વિશેષ ડેસ્ક
દિલ્હી પોલીસે ગુમ થયેલા લોકોની ફરિયાદ નોંધવા માટે ખાસ વ્યવસ્થા કરી છે. લાલ કિલ્લા નજીક આવેલા લાલ કિલ્લા પોલીસ સ્ટેશનમાં ગુમ થયેલા વ્યક્તિઓ માટે એક વિશેષ ડેસ્ક સ્થાપિત કરવામાં આવ્યો છે.
જો કોઈ વ્યક્તિ ગુમ હોય, તો પરિવારે ત્યાં જઈને ગુમ થયેલ વ્યક્તિનો ફોટોગ્રાફ સબમિટ કરીને તાત્કાલિક ફરિયાદ નોંધાવવાની રહેશે. પોલીસ વહીવટીતંત્ર દરેક રીતે મદદ કરવા માટે સંપૂર્ણપણે તૈયાર છે અને લોકોને કોઈપણ ડર વિના પોતાની મુશ્કેલીઓ જણાવવા માટે અપીલ કરવામાં આવી છે.
ટોપ સ્ટોરી
ટ્રેન્ડિંગ સમાચાર
