Cabinet Decisions: સરકારી તેલ કંપનીઓને મોટી રાહત, નુકસાનમાં LPG વેચવા પર મોદી સરકારે આપ્યા 22,000 કરોડ રૂપિયા

કેન્દ્રિય કેબિનેટે સરકારી તેલ કંપનીઓ (ઓએમસી) ને મોટી રાહત આપી છે

LPG cylinder

Cabinet Approves One Time Compensation To OMC In LPG : કેન્દ્રિય કેબિનેટે સરકારી તેલ કંપનીઓ (ઓએમસી) ને મોટી રાહત આપી છે. આજે મળેલી કેબિનેટ બેઠકમાં કેન્દ્રની મોદી સરકારે રૂ. 22,000 કરોડની ઓઇલ માર્કેટિંગ કંપનીઓ (OMCs)ની અંડર-રિકવરી પર મોટો નિર્ણય લીધો છે. સરકારે એલપીજીના વેચાણ પર થયેલા નુકસાનની ભરપાઈ કરવાનો નિર્ણય લીધો છે, જેના માટે સરકાર આ ઓઈલ કંપનીઓને 22000 કરોડ રૂપિયા આપશે. કેન્દ્ર સરકારે ઘરેલુ એલપીજીને અંડર રિકવરી હેઠળ વળતર આપવાનો નિર્ણય કર્યો છે. લાંબા સમયથી વારંવાર સવાલ ઉઠાવવામાં આવી રહ્યો હતો કે કંપનીઓની અંડર-રિકવરી વધી રહી છે તેની ભરપાઈ કેવી રીતે થશે.

Cabinet okays Rs22k-cr one-time grant to 3 state-run oil marketing firms for losses in LPG

Read @ANI Story | https://t.co/gkQjmhdA5o#Cabinet #LPG #OilMarketingFirms pic.twitter.com/8ngzQosgHr

— ANI Digital (@ani_digital) October 12, 2022

22 હજાર કરોડની સબસિડી

મોદી સરકારમાં મંત્રી અનુરાગ ઠાકુરે કેબિનેટની બેઠક બાદ જણાવ્યું હતું કે આજે ઘરેલુ એલપીજી માટે 22 હજાર કરોડ રૂપિયાની સબસિડી આપવાનો નિર્ણય લેવામાં આવ્યો છે. આ સિવાય કેબિનેટે સહકારી મંડળીઓને સશક્ત બનાવવા બિલમાં ફેરફારને મંજૂરી આપી છે. ઘરેલુ એલપીજી માટે 22 હજાર કરોડ રૂપિયાની સબસિડી આપવાનો નિર્ણય લેવામાં આવ્યો છે. તેમાંથી IOC, HPCL, BPCLને અંડર રિકવરીનાં બદલામાં રકમ મળશે.

Cabinet approves Rs. 22,000 crores as one time grant to PSU Oil Marketing Companies for losses in domestic LPG

It will help PSU OMCs in their commitment to #AtmaNirbharBharat Abhiyaan by ensuring unhindered domestic LPG supplies: Union Minister @ianuragthakur#CabinetDecisions pic.twitter.com/6G6hS0bclI

— PIB India (@PIB_India) October 12, 2022

એલપીજીના ભાવમાં 300 ટકાનો વધારો

નોંધનીય છે કે જૂન 2020-જૂન 2022 વચ્ચે એલપીજીની આંતરરાષ્ટ્રીય કિંમતોમાં 300 ટકાનો વધારો થયો છે. જ્યારે સ્થાનિક એલપીજીના ભાવમાં માત્ર 72 ટકાનો વધારો થયો છે. નીચા સ્થાનિક ભાવને કારણે કંપનીઓને નુકસાન થયું હતું. આજે જાહેર કરવામાં આવેલી સબસિડી રૂ. 5812 કરોડની બજેટ ફાળવણી કરતાં અલગ હશે. તેમાં પેટ્રોલ, ડીઝલની અંડર રિકવરીની ચૂકવણી સામેલ નથી.

આજે કેબિનેટના અન્ય મહત્વના નિર્ણયોમાં Multi-State Cooperative Societies (Amendment) Bill 2022 માં ફેરફારોને મંજૂરી આપવામાં આવી છે. જેમાં સહકારી મંડળીઓના સંચાલન અને ચૂંટણીમાં સુધારા પર ભાર મૂકવામાં આવ્યો છે. આ સિવાય કેબિનેટે કંડલાના ટૂના ટેકરામાં PPP (પબ્લિક પ્રાઈવેટ પાર્ટનરશિપ) દ્વારા Multipupose Cargo Berth બનાવવાની દરખાસ્તને મંજૂરી આપી છે. આ સિવાય રેલવે કર્મચારીઓ માટેના બોનસને પણ કેબિનેટની મંજૂરી મળી ગઈ છે. ઉત્તર પૂર્વના વિકાસ માટે 6600 કરોડ રૂપિયાની જોગવાઈને પણ મંજૂરી આપવામાં આવી છે.