Modi Cabinet Reshuffle: મોદી સરકારના મંત્રીમંડળમાં વધુ એક ફેરફાર, એસપી સિંહ બઘેલના વિભાગમાં કરાયો ફેરફાર

હવે એસપી સિંહ બઘેલને આરોગ્ય મંત્રાલયમાં રાજ્યકક્ષાના મંત્રી બનાવવામાં આવ્યા છે.

ફોટોઃ ટ્વિટર

Modi Cabinet Reshuffle: ગુરુવારે (18 મે) કેન્દ્રીય મંત્રી મંડળમાં અચાનક ફેરફાર કરવામાં આવ્યો છે. પહેલા કિરન રિજિજુનું મંત્રાલય અને હવે કાયદા રાજ્ય મંત્રી એસપી સિંહ બઘેલના મંત્રાલયમાં ફેરફાર કરવામાં આવ્યો છે. હવે તેમને આરોગ્ય મંત્રાલયમાં રાજ્યકક્ષાના મંત્રી બનાવવામાં આવ્યા છે. અર્જુન રામ મેઘવાલને કાયદા મંત્રાલયમાં સ્વતંત્ર હવાલો સાથે રાજ્યકક્ષાના પ્રધાન તરીકે નિયુક્ત કરવામાં આવ્યા હોવાથી હવે બીજા રાજ્ય પ્રધાનની ત્યાંથી બદલી કરવામાં આવી છે.

Minister of State SP Singh Baghel moved to health ministry

Read @ANI Story | https://t.co/SCDVuDJ3DX#SPSinghBaghel #HealthMinistry pic.twitter.com/jPUulP1bag

— ANI Digital (@ani_digital) May 18, 2023

મેઘવાલ હાલમાં સંસદીય બાબતોના રાજ્યમંત્રી અને સંસ્કૃતિ રાજ્ય મંત્રી છે. મેઘવાલને તેમના વર્તમાન પોર્ટફોલિયો ઉપરાંત કાયદા અને ન્યાય મંત્રાલયમાં રાજ્યમંત્રી તરીકે સ્વતંત્ર હવાલો સોંપવામાં આવ્યો છે. રાષ્ટ્રપતિ ભવન દ્વારા જાહેર કરવામાં આવેલા એક નિવેદનમાં કહેવામાં આવ્યું છે કે વડાપ્રધાન નરેન્દ્ર મોદીની સલાહ પર રાષ્ટ્રપતિ દ્રૌપદી મુર્મુએ એસપી સિંહ બઘેલને કાયદા અને ન્યાય મંત્રાલયની જગ્યાએ આરોગ્ય અને પરિવાર કલ્યાણ મંત્રાલયમાં રાજ્ય મંત્રી તરીકે નિયુક્ત કર્યા છે.

રિજિજુને પૃથ્વી વિજ્ઞાન મંત્રાલયની જવાબદારી સોંપાઇ

આ પહેલા કિરન રિજિજુના સ્થાને સંસદીય બાબતોના રાજ્યમંત્રી અર્જુન રામ મેઘવાલને કાયદા મંત્રી (સ્વતંત્ર હવાલો) બનાવવામાં આવ્યા હતા. રિજિજુ હવે પૃથ્વી વિજ્ઞાન મંત્રાલયનો હવાલો સંભાળશે. ન્યાયિક નિમણૂકોને લઈને સુપ્રીમ કોર્ટ સાથે વિવાદમાં રહેલા રિજિજુ 7 જૂલાઈ, 2021ના રોજ કાયદા પ્રધાન બન્યા હતા. ત્યારે ભાજપના વરિષ્ઠ નેતા રવિશંકર પ્રસાદના રાજીનામા બાદ રમતગમત મંત્રી અને લઘુમતી બાબતોના રાજ્ય મંત્રી રિજિજુને આ જવાબદારી મળી છે.

કોલેજિયમ સિસ્ટમની કરતા રહ્યા ટીકા

કાયદા પ્રધાન તરીકે રિજિજુ સુપ્રીમ કોર્ટ અને હાઈકોર્ટના ન્યાયાધીશોની નિમણૂક કરવાની કોલેજિયમ સિસ્ટમની ટીકા કરવામાં સરકારમાં સૌથી વધુ અવાજ ઉઠાવનારા હતા. તેમણે આ વ્યવસ્થાને ભારતના બંધારણથી અલગ ગણાવી હતી અને કહ્યું હતું કે તેને દેશના લોકોનું સમર્થન નથી. કેટલાક નિવૃત્ત ન્યાયાધીશોને ભારત વિરોધી ગેંગનો ભાગ હોવા અંગેની તેમની તાજેતરની ટીપ્પણીઓએ પણ આકરી પ્રતિક્રિયા આપી હતી.

કિરેન રિજિજુએ ટ્વિટ કરીને અભિનંદન પાઠવ્યા હતા

અર્જુન રામ મેઘવાલને અભિનંદન આપતાં કિરેન રિજિજુએ ટ્વીટ કર્યું કે કાયદા અને ન્યાય રાજ્ય મંત્રી (સ્વતંત્ર હવાલો) તરીકે નવી જવાબદારી મળવા પર મારા સાથી અર્જુન રામ મેઘવાલને શુભેચ્છાઓ. મને પૂરો વિશ્વાસ છે કે વડાપ્રધાન નરેન્દ્ર મોદીના માર્ગદર્શન હેઠળ તેઓ સામાન્ય નાગરિકોને ન્યાય આપવા માટે સમર્પિતપણે કામ કરશે.