Baba Venga Prediction: ભવિષ્યવેતા બાબા વેંગાએ વર્ષ 2024 માટે કરી છે આ 7 મોટી દુર્ઘટનાની ભવિષ્યવાણી

બાબા વેંગાએ 1996માં દુનિયાને અલવિદા કહી દીધું, પરંતુ તેમના મૃત્યુ પછી પણ તેમના દ્વારા કરવામાં આવેલી ભવિષ્યવાણીઓ સતત સાચી પડી રહી છે.

બાબા વેંગાની 2024ની ભવિષ્યવાણી

Baba Venga Prediction: બાબા વેંગાના નામથી દુનિયા પરિચિત છે. આ તે મહિલા છે, જેને દુનિયાને અલવિદા કીધાને  લગભગ ત્રણ દાયકા થઈ ગયા છે. પરંતુ તેમના દ્વારા કરવામાં આવતી આગાહીઓ હજુ પણ વિશ્વની દિશા નક્કી કરે છે. બાબા વેંગાએ વર્ષો પહેલા અમેરિકા પર 9/11ના હુમલા અને બ્રિટનમાં બ્રેક્ઝિટની આગાહી કરી હતી. તેમના દ્વારા 2024 માટે કરવામાં આવેલી ભવિષ્યવાણીની જાણકારી દુનિયાની સામે આવી છે, જે ખૂબ જ ખતરનાક અને ભયજનક  છે.

બાબા વેંગા અંધ મહિલા હતી, તેમને 'બાલ્કન્સનો નોસ્ટ્રાડેમસ' પણ કહેવામાં આવે છે. તેમના દ્વારા કરવામાં આવેલી 85 ટકા આગાહીઓ એકદમ સાચી સાબિત થઈ છે. કહેવાય છે કે જ્યારે તે નાની હતી ત્યારે વાવાઝોડાને કારણે તેણે આંખોની રોશની ગુમાવી દીધી હતી. પરંતુ બાદ તેને ભવિષ્યમાં બનાર ઘટનાની જોવાની શક્તિ મળી.   તે બલ્ગેરિયાની રહેવાસી હતી. 1996માં 84 વર્ષની વયે તેમનું અવસાન થયું.  જો કે તેની આ શક્તિના કારણે તે આજે પણ કોઇના કોઇ પ્રકારે જીવંત છે. બાબા વેંગાએ 2024 માટે શું આગાહી કરી છે.જાણીએ..

1. પુતિનની હત્યા થઈ શકે છે

રશિયાના રાષ્ટ્રપતિ વ્લાદિમીર પુતિન માટે ખરાબ સમાચાર છે. બાબા વેંગાએ ભવિષ્યવાણી કરી છે કે આવતા વર્ષે પુતિનના જ દેશના કોઈ વ્યક્તિ દ્વારા તેમની હત્યા કરવામાં આવશે. ક્રેમલિન સતત પુતિનના કેન્સરને નકારી રહ્યું છે. તેમની સુરક્ષા પણ વધારવામાં આવી રહી છે.

2. યુરોપમાં આતંકવાદી હુમલા

બાબા વેંગાએ ખતરનાક હથિયારો વિશે ભવિષ્યવાણી કરી છે. તેમનો દાવો છે કે આવતા વર્ષે એક મોટો દેશ જૈવિક શસ્ત્રોનું પરીક્ષણ કરશે અથવા તે હુમલો કરશે. તેણે એવી આગાહી પણ કરી છે કે આતંકવાદીઓ દ્વારા યુરોપના અલગ-અલગ શહેરોમાં હુમલા કરવામાં આવશે.

3. વિશ્વ આર્થિક સંકટના ભયમાં છે

બલ્ગેરિયન આગાહીકાર દાવો કરે છે કે આવતા વર્ષે એક મોટી આર્થિક કટોકટી આવશે, જેના કારણે વૈશ્વિક અર્થવ્યવસ્થા પડી ભાંગશે. દેવાનું સ્તર, ભૌગોલિક રાજકીય તણાવ અને આર્થિક શક્તિઓનું પશ્ચિમથી પૂર્વ તરફ સ્થળાંતર એ કારણો પૈકી એક છે જેના કારણે આવું થઈ શકે છે.

4. પૃથ્વી પર આબોહવા કટોકટી

બાબા વેંગાએ આગાહી કરી છે કે, આવતા વર્ષે આપણે કુદરતી આફતો અને ખરાબ હવામાનની વિપરીત અસરો જોશું. વેંગાના મતે પૃથ્વીની ભ્રમણકક્ષામાં ફેરફાર થશે. આ બહુ ઓછા સમય માટે થશે, પરંતુ તેના કારણે ક્લાઈમેટ ચેન્જની ભયંકર અસરો જોવા મળશે. રેડિયેશનનું જોખમ પણ રહેશે.

5. સાયબર એટેક

આવતા વર્ષે વિશ્વમાં સાયબર હુમલાનું જોખમ પણ વધવાનું છે. અદ્યતન હેકર્સ પાવર ગ્રીડ અને વોટર ટ્રીટમેન્ટ પ્લાન્ટ્સ જેવા મહત્ત્વના ઈન્ફ્રાસ્ટ્રક્ચરને નિશાન બનાવશે. બાબા વેંગાએ આગાહી કરી છે કે આનાથી રાષ્ટ્રીય સ્તરે સુરક્ષા માટે ખતરો ઉભો થશે.

6. કેન્સરની સારવાર

બાબા વેંગાના મતે મેડિકલ ક્ષેત્રથી સારા સમાચાર આવી શકે છે. અલ્ઝાઈમર સહિતના અસાધ્ય રોગોની નવી સારવાર ઉપલબ્ધ થશે. તેણે એવી આગાહી પણ કરી છે કે 2024માં કેન્સરની સારવાર શક્ય બનશે.

7. ટેકનોલોજીમાં ક્રાંતિ આવશે

ભવિષ્યવેતાએ  દાવો કર્યો છે કે, આવતા વર્ષે ક્વોન્ટમ કમ્પ્યુટિંગમાં મોટી શોધ થશે. ક્વોન્ટમ કમ્પ્યુટિંગ ઝડપથી વિકાસ કરી રહ્યું છે. કહેવાય છે કે આના દ્વારા સામાન્ય કોમ્પ્યુટરના ઉપયોગ કરતા વધુ ઝડપથી સમસ્યાઓ ઉકેલી શકાય છે. જો આમ થશે તો આવતા વર્ષે AIનું ક્ષેત્ર પણ વધશે.