Rajkot: રાજકોટમાં 4 વર્ષની બાળકી પર મંદિરનો ગેટ પડતા હોસ્પિટલે પહોંચે તે પહેલા જ મોત

રાજકોટ: શહેરમાં ચાર વર્ષની માસૂમ બાળકીનું મોત નિપજ્યું છે. મૃતક બાળકીનું નામ આરવી ઉંજીયા છે. આ અંગે સામે આવેલી વિગતો અનુસાર મંદિરનો ગેટ બાળકી ઉપર પડતાં માસુમને ઈજા પહોંચી હતી.

ચાર વર્ષની માસૂમ બાળકીનું મોત

રાજકોટ:  શહેરમાં ચાર વર્ષની માસૂમ બાળકીનું મોત નિપજ્યું છે. મૃતક બાળકીનું નામ આરવી ઉંજીયા છે. આ અંગે સામે આવેલી વિગતો અનુસાર મંદિરનો ગેટ બાળકી ઉપર પડતાં માસુમને ઈજા પહોંચી હતી. જે બાદ બાળકીને તાત્કાલિક સારવાર માટે હોસ્પિટલે લઈ જવાની તજવીજ હાથ ધરવામાં આવી હતી. જો કે હોસ્પિટલે પહોંચે તે પહેલા જ બાળકીનું મોત થયું છે. બાળકીને અંતિમવિધિ માટે પાર્થિવ દેહને પ્રેમગઢ લઈ જવામાં આવ્યો છે. બાળકીના મોતને લઈને પરિવારમાં શોકનો માહોલ છે.

ગોઠિબ ગામે ભાડાના મકાનમાં ચાલતા સામૂહિક આરોગ્ય કેન્દ્રને મકાન માલિકે મારી દીધું તાળું

મહીસાગર જિલ્લાના સંતરામપુર તાલુકાના ગોઠિબ ગામે ભાડાના મકાનમાં ચાલતા સામૂહિક આરોગ્ય કેન્દ્રને મકાન માલિકે તાળું મારી દીધું છે. ભાડાના મકાનમાં ચાલતા સામૂહિક આરોગ્ય કેન્દ્રનું નક્કી કરેલ ભાડું મકાન માલિકને ન ચૂકવતા મકાન માલિકે તાળાબંધી કરી છે. ગોઠીબ ગામે જૂનું સામૂહિક આરોગ્ય કેન્દ્ર જર્જરિત હાલતમાં હોવાના કારણે વર્ષ 2021થી ભાડાના મકાનમાં આ આરોગ્ય કેન્દ્ર ચાલે છે.  

ભાડાના મકાનમાં ચાલતા પ્રાથમિક આરોગ્ય કેન્દ્રને તાળાબંધી કરાતા દર્દીઓને હાલાકી ભોગાવવાવાનો વારો આવ્યો છે. મકાન મલિક અને પ્રશાસન વચ્ચેના વિવાદમાં ગરીબ જનતા પીસાઈ રહી છે. મકાન માલિક ભાડા માટે અનેકવાર રજૂઆત કરી હોવા છતાં મકાનનું ભાડું ન ચૂકવતા તાળાબંધી કરી હોવાનું જણાવી રહ્યા છે. હવે સ્થાનિક પ્રશાસન અને મકાન માલિક વચ્ચે આ વિવાદનો અંત ક્યારે આવશે અને ક્યારે આ સામુહિક આરોગ્ય કેન્દ્ર ફરી ખુલશે એ જોવું રહ્યું. પણ સૌથી મોટો પ્રશ્ન એ છે કે જ્યાં સુધી આ સામુહિક આરોગ્ય કેન્દ્ર બંધ રહેશે ત્યાં સુધી રોગોથી પીડાતા દર્દીઓનું શું થશે? 

આ પણ વાંચો.........