Surat: AAP છોડીને ભાજપમાં ગયેલા 5 કોર્પોરેટરે કેમ  માગવું પડ્યું પોલીસ રક્ષણ 3 કોર્પોરેટરને 24 કલાક બંદોબસ્ત અપાયો

આમ આદમી પાર્ટીના 5 કોર્પોરેટરો ભાજપમાં જોડાયા હોવાથી આપના કાર્યકરોમાં રોષ ભભૂકી રહ્યો છે.

સુરતઃ સુરતમાં ભાજપમાં જોડાયેલા સુરત મ્યુનિસિપલ કોર્પોરેશનના આમ આદમી પાર્ટીના કોર્પોરેટરોને પોતાના પર હુમલાની બીક સતાવી રહી છે. આ કારણે આમ આદમી પાર્ટીના  પક્ષપલટુ કોર્પોરેટરોએ પોલીસ બંદોબસ્ત માગ્યો છે. થોડા સમય અગાઉ આપ છોડી ભાજપમાં સામેલ થનાર પાંચ કોર્પોરેટરોને હવે હુમલો થવાની બીક સતાવી રહી છે. જેને લઈ આ પાંચેય પક્ષપલટુ કોર્પોરેટરોએ પોલીસ બંદોબસ્ત માંગ્યો છે.

આમ આદમી પાર્ટીના 5 કોર્પોરેટરો ભાજપમાં જોડાયા હોવાથી આપના કાર્યકરોમાં રોષ ભભૂકી રહ્યો છે. આ કારણે આમ આદમી પાર્ટીના કોર્પોરેટરોએ સુરક્ષા માગતાં સરથાણા અને કાપોદ્રા ખાતે સુરક્ષા માટે પોલીસ ગોઠવાઈ છે.

સરથાણામાં આપ પાર્ટીમાંથી ભાજપમાં જોડાયેલા એક કોર્પોરેટર માટે બે શીફટમાં બે પોલીસકર્મીઓ સોસાયટીની બહાર તૈનાત કરાયા છે. આવી જ રીતે કાપોદ્રા પોલીસની હદમાં મહિલા કોર્પોરેટરની સુરક્ષા માટે 24 કલાકમાં 3 શીફટમાં બબ્બે પોલીસકર્મીને તૈનાત કરાયા છે. ઉપરાંત ચોકબજાર પોલીસની હદમાં મહિલા કોર્પોરેટરને ત્યાં પણ 24 કલાક માટે 3 શીફટમાં 3 પોલીસકર્મી તૈનાત કરાયા છે. જેમાં એક મહિલા પોલીસકર્મી પણ બંદોબસ્તમાં રહેશે. આ સિવાય અમરોલી પોલીસની હદમાં બે કોર્પોરેટરો રહે છે. જો કે તેઓ હાલમાં લગ્નપ્રસંગ હોવાથી બહારગામ છે. આથી પોલીસ બંદોબસ્ત આપવામાં આવ્યો નથી. આમ આદમી પાર્ટીના કોર્પોરેટરે દાવો કર્યો કે બાળકોની સુરક્ષા માટે પોલીસ બંદોબસ્ત માંગ્યો છે.