![ABP Premium](https://cdn.abplive.com/imagebank/Premium-ad-Icon.png)
Surat : મોબાઇલ ગેમ રમવા બાબતે ઠપકો આપતા પુત્રે કરી નાંખી પિતાની હત્યા, હત્યા પછી પુત્રે શું કર્યું? જાણીને કંપારી છૂટી જશે
પિતાએ મોબાઇલમાં ગેમ રમવા બાબતે ઠપકો આપતાં પુત્ર ઉશ્કેરાઇ ગયો હતો અને 40 વર્ષીય પિતાની ગળું દબાવી હત્યા કરી નાંખી હતી. હત્યા પછી પુત્ર હત્યાને અકસ્માતમાં ખપાવવાનો પ્રયાસ કર્યો હતો.
![Surat : મોબાઇલ ગેમ રમવા બાબતે ઠપકો આપતા પુત્રે કરી નાંખી પિતાની હત્યા, હત્યા પછી પુત્રે શું કર્યું? જાણીને કંપારી છૂટી જશે Surat : A boy murder of father after denied play mobile game Surat : મોબાઇલ ગેમ રમવા બાબતે ઠપકો આપતા પુત્રે કરી નાંખી પિતાની હત્યા, હત્યા પછી પુત્રે શું કર્યું? જાણીને કંપારી છૂટી જશે](https://feeds.abplive.com/onecms/images/uploaded-images/2021/09/02/3a17da0eaa206a2efb5f094b24130759_original.jpg?impolicy=abp_cdn&imwidth=1200&height=675)
સુરતઃ ગઈ કાલે 16 વર્ષીય સગીરાએ પિતાએ મોબાઇલ લઈ લેતા આપઘાત કરી લીધો હતો, ત્યારે આજે મોબાઇલને કારણે વધુ એકનો ભોગ લેવાયો છે. સુરતના ઇચ્છાપોર કવાસ વિસ્તારમાં મોબાઈલ ગેમ (Mobile Game) બાબતે સગીર પુત્રે (Son) પિતાની હત્યા (Father murder )કરી નાંખતા સમગ્ર વિસ્તારમાં ચકચાર મચી ગઈ છે. મોબાઈલ ગેમ રમવા બાબતે ઠપકો આપતા હત્યા કરી નાંખી હતી.
માતાએ પુત્ર વિરુદ્ધ પોલીસ ફરિયાદ નોંધાવી છે. ઇચ્છાપોર પોલીસે સગીરની અટકાયત કરી જુવેનાઇલ કસ્ટડીમાં મોકલી દીધો છે. પિતાએ મોબાઇલમાં ગેમ રમવા બાબતે ઠપકો આપતાં પુત્ર ઉશ્કેરાઇ ગયો હતો અને 40 વર્ષીય પિતાની ગળું દબાવી હત્યા કરી નાંખી હતી. હત્યા પછી પુત્ર હત્યાને અકસ્માતમાં ખપાવવાનો પ્રયાસ કર્યો હતો. જોકે, ફોરેન્સિક PM કરવામાં આવતા ભાંડો ફૂટ્યો હતો. મૃતક ગંભીર સ્થિતિમાં નવી સીવીલ હોસ્પિટલ લઈ જવાયો હતો, જ્યાં ફરજ પર હાજર ડોક્ટરે મૃત જાહેર કર્યો હતો.
ગઈ કાલે શહેરના વેડરોડ પર આવેલી આનંદ પાર્ક સોસાયટીમાં 16 વર્ષીય છોકરીએ આપઘાત કરી લેતા આખો પરિવાર શોકમાં ગરકાવ થઈ ગયો હતો. દીકરીના આપઘાત માટે મોબાઇલ કારણભૂત હોવાનું સામે આવ્યું છે. પિતાએ દીકરી પાસેથી મોબાઇલ લેતાં લાગી આવતાં આ પગલું ભરી લીધું હતું. મૃતકના પિતા રીક્ષા ચલાવી ઘરનું ગુજરાન ચલાવે છે.
16 વર્ષીય વિદ્યાર્થિનીએ ઘરમાં પંખા સાથે દુપટ્ટો બાંધીને આપઘાત કરી લીધો હતો. સગીરાનું નામ ખુશ્બૂ ક્રિપાશંકર ઉપાધ્ય છે. ખુશ્બુ ધોરણ-11માં અભ્યાસ કરતી હતી. પરિવારના સભ્યોને દીકરી લટકતી મળી આવતાં તેને તાત્કાલિક સ્મીમેર હોસ્પિટલ લઈ ગયો હતો. જોકે, તેને મૃત જાહેર કરાઈ હતી. હાલ ચોક બજાર પોલીસ તપાસ કરી રહી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)