Surat : અંબિકા નદીના બ્રિજ પરથી કૂદીને પ્રેમી યુગલે કરી લીધો આપઘાત, સૂસાઇડ નોટમાં શું કર્યો મોટો ધડાકો?

મૃતક યુવતી સગીર 16 વર્ષની, જ્યારે યુવક 19 વર્ષનો છે. બંને નવસારી જિલ્લાના હોવાનું બહાર આવ્યું છે. પ્રેમ બાબતે યુવતીની માતાએ ઠપકો આપતા આત્મહત્યા કરી લીધી છે. ઘટના સ્થળેથી યુવતીએ લખેલી સુસાઇડ નોટ પણ મળી આવી છે. 

આપઘાત કરનાર યુવકનો ફાઇલ ફોટો.

સુરતઃ મહુવા તાલુકાના વેલણપુર ગામે પ્રેમી પંખીડાએ આત્મહત્યા કરી લેતા ચકચાર મચી ગઈ છે. વેલણપુર ગામે અંબિકા નદીના બ્રિજ પરથી કૂદી આત્મહત્યા કરી છે. મહુવા પોલીસે ઘટના સ્થળે પહોંચી વધુ તપાસ હાથ ધરી હતી. મૃતક યુવતી સગીર 16 વર્ષની, જ્યારે યુવક 19 વર્ષનો છે. બંને નવસારી જિલ્લાના હોવાનું બહાર આવ્યું છે. પ્રેમ બાબતે યુવતીની માતાએ ઠપકો આપતા આત્મહત્યા કરી લીધી છે. ઘટના સ્થળેથી યુવતીએ લખેલી સુસાઇડ નોટ પણ મળી આવી છે. 

પોલીસને સગીરાના મોબાઈલ પાછળ કવરમાંથી સૂસાઈડ નોટ મળી આવી હતી. જેમાં તેણે લખ્યું 'અમે અમારી મરજીથી સૂસાઈડ કરતા છે અને મારી મમ્મીને અમારાથી બો પ્રોબ્લેમ છે, સ્પેશિયલી મારાથી ઓલરેડી એને તો મને એવુ કઈ જ દિધેલુ હતું કે મરી જા એટલે અમે સ્યુસાઈડ કરતા છે'.

બુધવારે મહુવા તાલુકાના વેલણપુર ગામે અંબિકા નદીના પુલ પરથી પ્રેમી પંખીડાએ ઝંપલાવી જીવન ટૂંકાવતા ચકચાર મચી હતી. ડોલવણ તાલુકાના બેડા રાયપુરા ગામે રહેતો 19 વર્ષીય યુવાન તેજસ બલ્લુભાઈ પટેલ નવસારી જિલ્લાની 16 વર્ષીય સગીર પ્રેમિકા સાથે એક્ટિવા મોપેડ પર આવ્યા હતા. સ્યુસાઈડ નોટ લખી બપોરે 3 વાગ્યે વેલણપુર ગામની સીમમાંથી પસાર થતી અંબિકા નદીના પુલ પરથી સગીર પ્રેમિકા સાથે ઝંપલાવ્યું હતું.

પુલ પરથી નીચે પથ્થર પર પડતા બંનેનું સ્થળ પર જ તેમનું મોત નિપજ્યું હતું. ઘટના અંગે મૃતક સગીરા અને યુવાનના પરિવારજનોને જાણ થતા તેઓ પણ ઘટના સ્થળે આવી પહોંચ્યા હતા. પુત્રને મૃત હાલતમાં જોઈ પરિવારજનોના આક્રંદથી સમગ્ર વાતાવરણ ગમગીન બની ગયું હતું.

Surat : મિઝોરમની યુવતીની રહસ્યમય સંજોગોમાં ફ્લેટમાંથી મળી આવી લાશ, પોલીસે હાથ ધરી તપાસ

સુરતઃ શહેરના વેસુ વિસ્તારમાં આવેલા ફ્લેટમાંથી 20 વર્ષીય યુવતીની રહસ્યમય સંજોગોમાં લાશ મળી આવતાં સમગ્ર વિસ્તારમાં ચકચાર મચી ગઈ છે. યુવતીએ આત્મહત્યા કરી કે પછી તેની હત્યા કરવામાં આવી તે દિશામાં પોલીસે તપાસ હાથ ધરી છે. યુવતીના ફ્લેટમાંથી દુર્ગંધ આવતાં પાડોશીઓએ પોલીસને જાણ કરી હતી. પોલીસે ઘરમાં તપાસ કરતાં યુવતીનો મૃતદેહ મળી આવ્યો હતો. 

 

આ અંગેની વિગતો એવી છે કે, સુમન આનંદ આવસના E બિલ્ડીંગના ફ્લેટ(રૂમ) નંબર 503માંથી મિઝોરમની આશા સારકી નામની યુવતીનો મૃતદેહ મળી આવ્યો હતો.  રહિશોને બંધ ફ્લેટમાંથી દુર્ગંધ આવતાં ફાયરબ્રિગેડને જાણ કરાઈ હતી. ફાયરબ્રિગેડે દરવાજો ખોલતા કોહવાયેલી હાલતમાં યુવતીનો મૃતદેહ મળી આવ્યો હતો. ફાયર સાથે આવેલી પોલીસે વધુ તપાસ હાથ ધરી છે.

 

બે દિવસોથી આશાનો ફ્લેટ બંધ રહેતો હતો. તેમજ અંદરથી ભયંકર દુર્ગંધ આવી રહી હોવાથી પાડોશીઓ દ્વારા પોલીસને જાણ કરાઈ હતી. ફાયર બ્રિગેડ સહિત પોલીસે ઘટના સ્થળે આવીને દરવાજો તોડતા અંદરથી મૃતદેહ કોહવાયેલી હાલતમાં મળી આવ્યો હતો. સાથે જ આજુ બાજુ મોટા પ્રમાણમાં દારૂ ની બોટલ પણ મળી આવી હતી. હાલ ઉમરા પોલીસે મૃતદેહને પોસ્ટમોર્ટમ માટે ખસેડી વધુ તપાસ હાથ ધરી છે.