Spacewalk: આ અબજોપતિએ રચ્યો ઇતિહાસ! અવકાશમાં કર્યું સ્પેસવોક,અદભૂત વીડિયો આવ્યો સામે

Spacewalk: સ્પેસએક્સે સોશિયલ મીડિયા પ્લેટફોર્મ X પર એક વીડિયો શેર કર્યો છે જેમાં અબજોપતિ જેરેડ ઈસાકમેન સ્પેસવોક કરતા જોવા મળી રહ્યા છે. સ્પેસએક્સ પોલારિસ ડોન મિશન મંગળવારે લોન્ચ કરવામાં આવ્યું હતું.

સ્પેસવોક

Source : X

SpaceX: અબજોપતિ જેરેડ ઇસાકમેન(Jared Isaacman)એ ગુરુવારે (12 સપ્ટેમ્બર) સ્પેસવોક કરીને ઇતિહાસ રચી દીધો છે. મહત્વની વાત એ છે કે આ સ્પેસવોકમાં નોન-પ્રોફેશનલ અવકાશયાત્રીઓએ પણ ભાગ લીધો હતો. આ સ્પેસવોકની ખાસ વાત એ છે કે છેલ્લા 50 વર્ષમાં આ સૌથી ઉંચાઈ પર કરવામાં આવેલ સ્પેસવોક છે.

SpaceX and the Polaris Dawn crew have completed the first commercial spacewalk!

“SpaceX, back at home we all have a lot of work to do, but from here, Earth sure looks like a perfect world.” — Mission Commander @rookisaacman during Dragon egress and seeing our planet from ~738 km pic.twitter.com/lRczSv5i4k

— Polaris (@PolarisProgram) September 12, 2024

ફિનટેક અબજોપતિ જેરેડ ઇસાકમેનની આગેવાની હેઠળ સ્પેસએક્સ પોલારિસ ડોન મિશન(SpaceX Polaris Dawn mission)માં નાગરિક અવકાશયાત્રીઓએ પણ ભાગ લીધો હતો. તેણે લગભગ 1,400 કિલોમીટરની ઊંચાઈ હાંસલ કરી, જે ઇન્ટરનેશનલ સ્પેસ સ્ટેશન (ISS) કરતાં લગભગ ત્રણ ગણી વધારે છે.

તે ક્યારે લોન્ચ કરવામાં આવ્યું હતું?

સ્પેસએક્સ પોલારિસ ડોન મિશન મંગળવારે (10 સપ્ટેમ્બર) ફ્લોરિડામાં કેનેડી સ્પેસ સેન્ટરથી લોન્ચ કરવામાં આવ્યું હતું. સ્પેસએક્સના સહયોગથી આઇઝેકમેને પૃથ્વીથી સેંકડો માઇલ ઉપર આ અત્યંત સાહસિક કામને અંજામ આપ્યો હતો. જેનો એક વીડિયો SpaceX દ્વારા સોશિયલ મીડિયા પ્લેટફોર્મ X પર પણ શેર કરવામાં આવ્યો છે.

આ મુશ્કેલ કામને કેવી રીતે પૂર્ણ કરવામાં આવ્યું?

રિપોર્ટ અનુસાર, જેરેડ ઇસાકમેન અને તેમની ટીમે હેચ ખોલતા પહેલા તેમના કેપ્સ્યુલમાં દબાણ ઓછું થાય તે માટે લાંબા સમય સુધી રાહ જોઈ. આ સમય દરમિયાન, ટીમના ચારેય લોકોએ પોતાની જાતને શૂન્યાવકાશથી બચાવવા માટે સ્પેસએક્સના નવા સ્પેસવોકિંગ સૂટ પહેર્યા હતા.

સ્પેસવોક કેટલા સમય સુધી ચાલ્યું?

આ સ્પેસવૉકિંગ ટેસ્ટ લગભગ બે કલાક સુધી ચાલ્યો હતો જેમાં વૉકિંગ કરતાં વધુ સ્ટ્રેચિંગ કરવામાં આવ્યું હતું. યોજના એવી હતી કે જેરેડ આઇઝેકમેન કેપ્સ્યુલમાંથી બહાર આવશે, પરંતુ તેમણે સમગ્ર સમય દરમિયાન તેમના હાથ અથવા પગ કેપ્સુલ સાથે જોડાયેલા રાખવા પડશે. તેના હાથ અને પગ વાળીને, તે એ જોવા માંગતા હતા કે નવો સ્પેસસુટ કેવો છે. મદદ માટે હેચમાં  વોકર જેવી રચનાની પણ સુવિધા હતી.

સ્પેસવોક શું છે?

જ્યારે પણ અવકાશયાત્રી અવકાશમાં અવકાશયાનમાંથી બહાર નીકળે છે, ત્યારે તેને સ્પેસવોક કહેવામાં આવે છે. સ્પેસવોકને EVA એટલે કે એક્સ્ટ્રાવેહિક્યુલર એક્ટિવિટી પણ કહેવામાં આવે છે. જો કે, કેટલીકવાર તે ગંભીર સમસ્યાનું રુપ ધારણ કરી શકે છે, તેથી તે અત્યંત સાવધાની સાથે કરવામાં આવે છે.

આ પણ વાંચો...