Photos: બોલીવુડથી દૂર પહાડો અને નદીયો વચ્ચે પહોંચી સારા અલી ખાન, એડવેન્ચર માટે છે તૈયાર...

સારા અલી ખાન

સારા અલી ખાનને ફિલ્મોમાં કામ કરવાની સાથે-સાથે ફરવાનો પણ ખૂબ શોખ છે. ક્યારેક તે ચારધામ મંદિરમાં રજા માણતી જોવા મળે છે તો ક્યારેક સુંદર મેદાનોમાં ફરતી દેખાય છે. ફરી એકવાર સારા રજાઓ માણવા પહાડો વચ્ચે પહોંચી ગઈ છે. જેની તસવીરો તેણે પોતાના ઈન્સ્ટાગ્રામ એકાઉન્ટ પર શેર કરી છે.

આ ફોટામાં સારા અલી ખાન પહાડો અને નદીઓ વચ્ચે હાથમાં લાકડી સાથે જોવા મળી રહી છે. કેમ્પ પાસે ઉભેલી આ તસવીરમાં સારા ટ્રેકિંગ માટે સંપૂર્ણ રીતે તૈયાર જોવા મળી રહી છે.

સારા અલી ખાને પોતાના ફોટો શેર કરતાં લખ્યું છે કે, 'કાશ્મીર કી કલી ઈઝ બેક ટુ યોર ગલી, ટ્રેકિંગ પર મેં ચલી.

કાળઝાળ ગરમીમાં જ્યાં તાપમાનનો પારો દરેક રેકોર્ડ તોડી રહ્યો છે ત્યાં પહાડોની વચ્ચે જવું એ દરેક માટે સ્વર્ગથી ઓછું નથી. આવી સ્થિતિમાં સારા પણ શાંતિની પળો વિતાવવા નદીઓ વચ્ચે પહોંચી છે.

સારા અલી ખાન ઘણી મુસાફરી કરે છે. આવનારા દિવસોમાં તમને તેના ઇન્સ્ટાગ્રામ પર તેના પ્રવાસના ફોટો અને વીડિયો જોવા મળશે.

સારા સોશિયલ મીડિયા પર ઘણી એક્ટિવ રહે છે. સારાની ફિલ્મોની વાત કરીએ તો, હવે સારા ગેસલાઇટ ફિલ્મમાં દેખાશે. આ સિવાય તે લક્ષ્મણ ઉતેકરની ફિલ્મમાં જોવા મળશે.