Winter Health Tips: શિયાળાનું સુપર ફૂડ ગણાય છે આ વસ્તુ, અનેક બીમારીથી બચાવે છે

Health: આમ તો દરેક ઋતુની સારી અને નરસી બાબતો હોઈ છે. પરંતુ તમે કદાચ નહીં જાણતા હોવ કે શક્કરિયા ખાવાથી માત્ર શિયાળામાં શરીરમાં ગરમી જ નથી આવતી, પરંતુ તેનાથી આપણને ઘણી ગંભીર બીમારીઓથી પણ રાહત મળે છે.

ફાઈલ તસવીર

શક્કરિયામાં ફાઈબર, કેલ્શિયમ, પ્રોટીન, આયર્ન, મેગ્નેશિયમ, પોટેશિયમ, વિટામિન-એ, બી અને સી હોય છે અને આ બધા પોષક તત્વો આપણા શરીર માટે ખૂબ જ ફાયદાકારક છે. શક્કરિયામાં રહેલા પોટેશિયમને કારણે તે હૃદયને સ્વસ્થ રાખવામાં મદદરૂપ છે.

જો કે ડાયાબિટીસના દર્દીઓ માટે ખતરો હંમેશા રહે છે, પરંતુ જો શિયાળુ હવામાન હોય તો આ જોખમ વધવાની ભીતિ રહે છે. પરંતુ જો તમને આમાં મદદ જોઈતી હોય તો તમે શક્કરિયાનું સેવન કરી શકો છો. 2008ના એક અભ્યાસમાં જાણવા મળ્યું છે કે સફેદ છાલવાળા શક્કરીયામાંથી અર્ક ટાઇપ 2 ડાયાબિટીસ ધરાવતા લોકોમાં ઇન્સ્યુલિનની સંવેદનશીલતામાં સુધારો કરે છે. એટલા માટે શક્કરિયાને ડાયાબિટીસના દર્દીઓ માટે યોગ્ય માનવામાં આવે છે.

શ્વાસની તકલીફ જેવી કે અસ્થમાના દર્દીઓને શિયાળામાં ઘણી સમસ્યાઓનો સામનો કરવો પડે છે. આવી સ્થિતિમાં, શક્કરીયાનું સેવન અસ્થમાથી પીડિત લોકોમાં બળતરા ઘટાડવામાં મદદ કરે છે.

ઉધરસ અને શરદી, વાયરલ તાવ અને રોગપ્રતિકારક શક્તિ નબળી પડી જવા જેવી બાબતો શિયાળાની ઋતુમાં થાય છે. પરંતુ શક્કરિયામાં વિટામિન-સીની હાજરીને કારણે તે તમારી રોગપ્રતિકારક શક્તિને મજબૂત કરી શકે છે.

આ સિવાય શક્કરિયા શરીરમાં આયર્નનું શોષણ કરવામાં અને લોહીની ઉણપને પૂરી કરવામાં મદદ કરે છે.