Banaskantha: રણુજાથી દર્શન કરીને અંબાજી તરફ આવતા શ્રદ્ધાળુઓની બસ નદીમાં ખાબકી, 12 લોકો ઇજાગ્રસ્ત

Latest Banaskantha News: બનાસકાંઠાને અડીને આવેલા રાજસ્થાનના આબુરોડ-અંબાજી માર્ગ ઉપર ખાનગી બસ નદીમાં ખાબકી હતી.

બસ અકસ્માત

રાજ્યમાં અકસ્માતનો સિલસિલો યથાવત છે. બનાસકાંઠાને અડીને આવેલા રાજસ્થાનના આબુરોડ-અંબાજી માર્ગ ઉપર ખાનગી બસ નદીમાં ખાબકી હતી.

બસ પલટી મારતા બસમાં સવાર 12 લોકો ઇજાગ્રસ્ત થયા હતા. ખાનગી બસમાં 55 થી વધુ યાત્રિકો સવાર હતા.

રણુજાથી દર્શન કરીને ભક્તો ગુજરાતના અંબાજી તરફ આવતા હતા ત્યારે બનાવ બન્યો હતો.

દેરોલના ભક્તો ત્રણ દિવસની રણુજા યાત્રા પર નીકળ્યા હતા

આબુરોડ પોલીસ અને આબુરોડ મામલતદાર ઘટના સ્થળે પહોંચ્યા હતા અને ઘાયલોને સારવાર માટે હોસ્પિટલમાં ખસેડવામાં આવ્યા હતા.

મુસાફરોને તેમના સ્થાન સુધી પહોંચવા માટે પોલીસ દ્વારા અન્ય વ્યવસ્થા કરવામાં આવી હતી.

નદીમાં ખાબકેલી બસની તસવીર.