Rajkot: જાણીતા જ્વેલર્સમાં અનોખી લૂંટ, દાગીના ઘરે જોવા મંગાવ્યા ને પછી......

રાજકોટના જ્વેલર્સમા લૂંટ

Rajkot News: રાજકોટના યાજ્ઞિક રોડ પર આવેલા ટીબીઝેડ શોરૂમમાં દોઢ કરોડના દાગીનાની અનોખી લૂંટ ચલાવવામાં આવી હતી. દાગીના ઘરે જોવા મંગાવી બાદમાં લૂંટ ચલાવી હતી.

ગણતરીને કલાકોમાં સૂત્રધાર મહિલા બિલકીસ ઝડપાઈ ગઈ હતી. રાજકોટના યાજ્ઞિક રોડ પર આવેલા ટીબીઝેડ શોરૂમમાંથી એક કરોડ 48 લાખના દાગીના જોવાના બહાને બજરંગ વાડી માં ઘરે મંગાવી પિતા- પુત્રી સહિતના એ લૂંટ ચલાવી હતી.

તમામ દાગીના સાથે મહિલા સૂત્રધાર બિલકિસને ગાંધીગ્રામ પોલીસે ઝડપી પાડી હતી. ટીબીઝેડ શોરૂમના કર્મચારી વિશાલભાઈના હાથમાંથી દાગીનાનું બોક્સ પડાવી બિલકીસ નામની મહિલા સહિત કારમાં ભાગી ગયા હતા.

જોકે ગાંધીગ્રામ પોલીસે થોડી જ કલાકોમાં મહિલા સહિત તેના સાગરિતોને પકડી લીધા હતા.